पिंपरी : पुढारी वृत्तसेवा : दिघी येथील गिफ्ट शॉपीचे शटर उचकटून 15 हजार रुपये रोख रक्कम चोरट्यांनी गायब केल्याची घटना मंगळवार (दि. 5) रात्री अडीचच्या सुमारास घडली.
पोलिसांनी दिलेल्या माहितीनुसार, फिर्यादी अशोक कुमार कन्हैयालाल पुरोहीत (वय 29, रा. कृष्णानगर रोड, ममता चौक, दिघी) यांच्या गिफ्ट शॉपीचे शटर उचकटून मोहित राजु पाटोळे (वय 19, रा. वानवडी बाजार),
साहिल मुन्नावर शेख, (वय 19, रा. भवानी पेठ, कासेवाडी), हारेश निकोश कांबळे वय (16, रा. भवानी पेठ, कासेवाडी) या तीन आरोपींनी रोख रक्कम 15 हजार रुपयांची चोरी केली.
याविरोधात फिर्यादीने दिघी पोलिस ठाण्यात शनिवारी (दि. 9) सायंकाळी पावणे पाच वाजता फिर्याद दिली आहे. आरोपीस अटक नाही. पुढील तपास दिघी पोलिस करीत आहेत.