पुणे: लग्नसराईमध्ये खंड पडल्याने बाजारात शोभिवंत फुलांच्या मागणीत मोठी घट झाली आहे. परिणामी, शोभिवंत फुलांच्या दरात गत आठवड्याच्या तुलनेत वीस ते तीस टक्क्यांनी घसरण झाली आहे.
ढगाळ वातावरणामुळे फुलांसाठी पोषक हवामान तयार झाल्याने झेंडू, शेवंती, ॲस्टर आदी सुट्ट्या फुलांच्या उत्पादनात वाढ झाली आहे. परिणामी, या फुलांची बाजारातील आवकही वाढली आहे. मागणी खूपच कमी असल्याने फुलांच्या भावात निम्म्याने घसरण झाली आहे.
फुलांचे प्रतिकिलोचे दर पुढीलप्रमाणे : झेंडू : 10-20, गुलछडी : 80-110, ॲष्टर : जुडी 15-25, सुट्टा 80-120, कापरी : 20-40, शेवंती : 50-100, गुलाबगड्डी (गड्डीचे भाव) : 10-30, गुलछडी काडी : 50-100, डच गुलाब (20 नग) : 150-300, जर्बेरा : 40-50, कार्नेशियन : 200-250, शेवंती काडी 250-300, लिलियम (10 काड्या) 800-1000, ऑर्चिड 500-600, ग्लॅडिओ (10 काड्या) : 80-120, जिप्सोफिला : 200-300.