नाशिक : पुढारी वृत्तसेवा
शहर बसने धडक दिल्याने सायकलस्वार ठार झाल्याची घटना बारदान फाटा येथे घडली. गुरुवारी (दि.५) सायंकाळी सातच्या सुमारास हा अपघात झाला असून त्यात पंडित भागुजी झोले (४९) यांचा मृत्यू झाला.
सागर झोले यांनी दिलेल्या फिर्यादीनुसार एमएच १५ जीव्ही ८००६ क्रमांकाच्या सीटी बसचालक भरदाव आला व त्याने बारदान फाटा परिरसात सायकलवरून जाणाऱ्या पंडित झोले यांना धडक दिली. या धडकेत गंभीर मार लागल्याने झोले यांचा मृत्यू झाला. अपघातानंतर बसचालक फरार झाला. याप्रकरणी गंगापूर पोलिस ठाण्यात बसचालकाविरोधात गुन्हा दाखल करण्यात आला आहे.