कोळपेवाडी: कोपरगाव विधानसभा मतदारसंघातील सर्वांगीण विकासाला गती देण्यासाठी जिल्हा नियोजन समितीकडून कोपरगाव मतदार संघाच्या ग्रामीण भागातील विविध गावातील रस्त्यांच्या मजबुतीकरणासाठी 5.18 कोटीच्या निधीला प्रशासकीय मंजुरी मिळाल्याची माहिती आ.आशुतोष काळे यांनी दिली.
आ. काळे म्हणाले, कोपरगाव मतदारसंघातील ग्रामीण भागातील नागरिकांच्या गरजा लक्षात घेऊन जिल्हा नियोजन समितीकडे विविध विकास कामांचे प्रस्ताव सादर करण्यात आले होते. या प्रस्तावांना नुकतीच प्रशासकीय मान्यता मिळाली असून लवकरच निविदा प्रक्रिया पूर्ण होवून या विकास कामांना सुरुवात होणार आहे.
या प्रशासकीय मंजुरीच्या कामामध्ये कोपरगाव मतदार संघातील माहेगाव देशमुख येथे चारी नं. 5 कदम वस्ती ते भगुरे शेत रस्ता खडीकरण करणे, संवत्सर येथे सुनील कुहिले घर ते शरद शेटे घर रस्ता खडीकरण करणे, कोकमठाण येथे भाऊसाहेब रक्ताटे वस्ती ते जि.प. शाळा कांचनवाडी रस्ता करणे, खिर्डी गणेश येथे अहिल्यानगर-मनमाड रस्ता ते रावसाहेब बावके वस्ती शिवरस्ता खडीकरण करणे, खोपडी येथे भऊर रस्ता खडीकरण करणे, जेऊर कुंभारी येथे रस्ता डांबरीकरण करणे, जेऊर पाटोदा येथे जिजाऊ पार्क ते चंद्रलिला नगर रस्ता करणे, टाकळी येथे जि.प.शाळा ते बाबासाहेव देवकर घर रस्ता 7 चारी खडीकरण करणे, तळेगांव मळे येथे गावठाण ते भाऊसाहेव भवर वस्ती रस्ता करणे (बेलगाव रस्ता) खडीकरण करणे, दहीगांव बोलका येथे वीरभद्र मंदिर ते नानासाहेब निघोट ते विजय पराग वस्ती रस्ता खडीकरण करणे, धामोरी येथे विश्वास जाधव वस्ती ते सत्यगाव रस्ता डांबरीकारण करणे.
विठ्ठलराव जगझाप वस्ती, नाटेगाव येथे गावठाण ते येसगाव रोड जयराम धोंडीबा मोरे घर रस्ता डांबरीकरण करणे, मढी बु येथे रा.मा. 7 ते ग्रा.मा. 30 रस्ता डांबरीकरण करणे, सांगवी भुसार येथे माणिक गयाजी शिंदे घर ते सांगवी भुसार गावापर्यंत रस्ता डांबरीकरण करणे. माळेगांव थडी येथे गोदावरी नदी ते मळेगाव थडी रस्ता डांबरीकारण करणे, करजी बु. येथे धर्मवीर छत्रपती संभाजी महाराज चौक सुशोभिकरण करणे, ब्राम्हणगांव येथे संपतराव आसणे दुकान ते पांडुरंग आसणे घरापर्यंत रस्ता खडीकरण करणे, वेळापूर येथे रामा 7 ते बिरोबा मंदिर (कारवाडी शिव) रस्त्यावर सी.डी.वर्क करणे, कोळगांव थडी येथे स्मशानभूमी सुशोभीकरण करणे. (शेड, शवदाहिनी इ., हिंगणी येथे स्मशानभूमी सुशोभीकरण करणे. (रोड, शवदाहिनी इ., राहाता तालुक्यातील जळगांव येथे विजय बबन चौधरी घर ते गोदावरी उजवा कालवा पर्यंत रस्ता डांबरीकरण करणे, रामपुरवाडी येथे पाझर तलाव ते अण्णासाहेब देठे घर रस्ता खडीकरण करणे, शिंगवे येथे बारहाते गिरणी ते बाबासाहेब कवडे घरापर्यंत रस्ता डांबरीकरण करणे, या एकूण तेवीस गावांच्या विविध विकास कामांना प्रशासकीय मान्यता मिळाली आहे.
कोपरगाव मतदारसंघातील अनेक ग्रामीण भागातील रस्ते नव्याने विकसित होणार असून स्थानिक नागरिकांच्या दैनंदिन जीवनमानात त्याचा निश्चित फायदा होईल. लवकरच निविदा प्रक्रिया पूर्ण होवून रस्त्यांच्या कामांना प्रत्यक्षात सुरुवात होईल. रस्त्यांशिवाय विकास अशक्य असून चांगले रस्ते हे प्रत्येक गावाच्या प्रगतीचे प्रतीक आहेत. त्यामुळे ग्रामीण भागातील प्रत्येक गावासाठी चांगले रस्ते निर्माण करणे हे माझे ध्येय आहे. या विकास कामांना प्रशासकीय मंजुरी मिळाल्याने ग्रामविकासाचा वेग आता अधिक वाढणार असल्याचा विश्वास आ.आशुतोष काळे यांनी व्यक्त केला आहे.