मुंबई: मुंबई व उपनगरांमधील हवा गुणवत्ता निर्देशांक (एक्यूआय) शंभराच्या आत आल्याने वायू प्रदूषणामध्ये घट झाली आहे. गेले तीन दिवस एक्यूआयचे प्रमाण उतरत्या क्रमांकाने आहे. 24 तारखेला 172 असलेला हवा गुणवत्ता निर्देशांक 26 तारखेला थेट 86 वर आला आहे.
50 ते 100 पर्यंतचा एक्यूआय हा प्रदूषणाच्या मध्यम कॅटेगरीमध्ये मोडतो. प्रदूषणातील घट पाहता मुंबईकरांनी मोकळा श्वास घेतला आहे. गावदेवी (64), वांद्रे पश्चिमसह ब्रीच कँडी (73), कुलाबा (75) तसेच परळ भोईवाडा (81), कलेक्टर कॉलनी आणि गावठाण, चेंबूर (84), भांडूप पश्चिम आणि बोरिवली पूर्व (86) परिसरात सर्वात कमी प्रदूषण आढळून आले.