मुंबई : मध्य रेल्वे द्वारे येत्या होळी सणात प्रवाशांच्या सोयीसाठी छत्रपती शिवाजी महाराज टर्मिनस - सावंतवाडी रोड - छत्रपती शिवाजी महाराज टर्मिनस 2 वातानुकूलित विशेष सेवा चालवण्यात येणार आहे.
ट्रेन क्रमांक 01071 वातानुकूलित विशेष दिनांक 1 मार्च रोजी छत्रपती शिवाजी महाराज टर्मिनस येथून 00.20 वाजता सुटेल आणि सावंतवाडी रोड येथे त्याच दिवशी 12.30 वाजता पोहोचेल. ट्रेन क्रमांक 01072 वातानुकूलित विशेष दिनांक 1 मार्च रोजी सावंतवाडी रोड येथून सायंकाळी 17.20 वाजता सुटेल आणि छत्रपती शिवाजी महाराज टर्मिनस येथे दुसऱ्या दिवशी 03.45 वाजता पोहोचेल.
या गाडीला दादर, ठाणे, पनवेल, पेण, रोहा, माणगांव, वीर, खेड, चिपळूण, सावर्डा, आरवली रोड, संगमेश्वर रोड, रत्नागिरी, आडवली, विलवडे, राजापूर रोड, वैभववाडी रोड, नांदगाव, कणकवली, सिंधुदुर्ग आणि कुडाळ येथे थांबे असतील. गाडीला 18 वातानुकूलित तृतीय इकॉनॉमी आणि 2 जनरेटर व्हॅन असतील.