जालना : कदीम जालना पोलिस ठाण्याच्या हद्दीत झालेल्या जबरी चोरी प्रकरणातील फरार आरोपीस पोलिसांनी अटक करून त्याच्याकडून लुटलेली रोख रक्कम जप्त केली आहे.
पोलिसांनी दिलेल्या माहितीनुसार, 4 जून 2026 रोजी सायंकाळी साडेसातच्या सुमारास नूतन वसाहत परिसरात आरोपी ऋषिकेश दीपक कांबळे (रा. नूतन वसाहत, जुना जालना) याने तक्रारदार सुभाष काळुके यांना अडवून शिवीगाळ केली. त्यानंतर त्यांच्या जवळील 1 हजार 630 रुपये रोख रक्कम हिसकावून घेत लाथाबुक्क्यांनी मारहाण केली. तसेच फावड्याने डोक्यावर वार करून जखमी केल्याची तक्रार दाखल करण्यात आली होती.
या प्रकरणी कदीम जालना पोलिस ठाण्यात गुन्हा नोंदविण्यात आला होता. घटनेनंतर आरोपी फरार झाला होता. पोलिस पथकाने त्यास अटक केली. त्याच्याकडून 1हजार 630 रुपये रोख रक्कम जप्त केली.ही कारवाई पोलिस अधीक्षक तेजबीर सिंह संधू, अप्पर पोलिस अधीक्षक विक्रम साळी, उपविभागीय पोलिस अधिकारी अनंत कुलकर्णी यांच्या मार्गदर्शनाखाली पोलिस निरीक्षक जे. बी. शेवाळे यांनी केली.