छत्रपती संभाजीनगर, पुढारी वृत्तसेवा : मराठा आरक्षणाचे नेते मनोज जरांगे यांना ४ जूनरोजी अंतरवाली सराटीत उपोषणास बसण्यास विरोध केल्याप्रकरणी डॉ. रमेश तारख यांच्या तोंडाला काळे फासण्यात आले आहे. आज (दि.२४) दुपारी डॉ. तारख यांच्या रुग्णालयात जाऊन झुंजार छावा संघटनेच्या कार्यकर्त्यांनी त्यांना काळे फासले.
मनोज जरांगे यांच्या अंतरवाली सराटीतील उपोषणाला विरोध
झुंजार छावा संघटनेचे कार्यकर्ते संतप्त
रुग्णालयात जाऊन डॉ. रमेश तारख यांच्या तोंडाला फासले काळे
जरांगे यांच्या उपोषणामुळे अंतरवाली सराटीत वाहतुकीचा त्रास होतो. असे कारण देत, डॉ. तारख यांनी जरांगे यांच्या विरोधात जालना पोलीस आयुक्तालयात निवेदन दिले होते. तेव्हापासून डॉ. तारख यांच्या विरोधात मराठा संघटनांचा नाराजीचा सुरू होता. दरम्यान, संघटनेचे पदाधिकारी डॉ. तारक भेटण्यासाठी गेले. अगोदर सत्कार तारख यांचा सत्कार व त्यानंतर त्यांच्या तोंडाला काळे फासले. यानंतर जरांगे यांच्या आंदोलनास विरोध कराल तर याद राखा, अशी ताकीद त्यांना संघटनेकडून देण्यात आली.
याप्रकरणी झुंजार छावा संघटनेचे संस्थापक अध्यक्ष सुनील कोटकर म्हणाले, उपोषणाला का विरोध करताय, याबाबत डॉ. तारख यांच्याशी चर्चा केली. चर्चेदरम्यान लक्षात आले की, तारख हे मराठा समजाविरोधी भूमिका घेत आहेत. यामुळे त्यांच्या तोंडाला काळे फासे आहे, असे कोटकर यांच्याकडून सांगण्यात आले. काही काळापूर्वी डॉ. तारख यांना जरांगे यांचे जवळचे सहकारी मानले जात होते. मात्र, मागील चार महिन्यांपासून जरांगे यांच्या आंदोलनाला विरोध करत असल्यामुळे हा प्रकार घडला, असे बोलले जात आहे.