Bhudargad Lover Pushes Girlfriend Valley
कोल्हापूर : प्रेयसीचा विवाह ठरल्याच्या कारणावरून प्रियकराने तिचे अपहरण करून तिला नाईकवाडी येथील कड्यावरून दरीत ढकलल्याची घटना शनिवारी (दि.१०) उघडकीस आली आहे. या घटनेमुळे भुदरगड तालुक्यासह परिसरात मोठी खळबळ उडाली आहे. पोलिसांनी संबंधित तरुणीचा मृतदेह दरीतून बाहेर काढला.
मिळालेल्या प्राथमिक माहितीनुसार, संबंधित तरुणीचा विवाह ठरला होता. याच कारणावरून तिच्या प्रियकराने तिला भुदरगड तालुक्यातील नाईकवाडी येथील कड्यावर नेले. आणि तेथून तिला दरीत ढकलून दिल्याची धक्कादायक माहिती समोर आली आहे.
या घटनेची माहिती मिळताच पोलिसांनी घटनास्थळी धाव घेतली. दरीतून तरुणीचा मृतदेह बाहेर काढण्यात आला आहे. प्रेयसीचा विवाह ठरल्यामुळे हा प्रकार घडल्याचा प्राथमिक संशय व्यक्त केला जात आहे. या प्रकरणी पोलिसांकडून पुढील तपास सुरू आहे.