बांबवडे: सुपात्रे तालुका शाहूवाडी येथे रात्री साडे नऊ वाजण्याच्या सुमारास प्राथमिक शाळेच्या व हनुमंत वाडी गावाकडे जाणाऱ्या रस्त्यावर बिबट्याचे दर्शन झाले. ग्रामस्थांमध्ये भीतीचे वातावरण निर्माण झाले आहे.
बांबवडे येथील रितेश बबन लुगडे हे वरेवाडी येथील आपल्या कामगाराला सोडून घरी परत येत असताना रस्त्यातून बिबट्या क्रॉस झाला. त्याचवेळी त्यांनी प्रसंगावधान राखून मोबाईलमध्ये बिबट्याचा फोटो काढला.
आपल्या मोबाईलमध्ये शूट करून सोशल मीडियावर फोटो टाकण्यात आला. त्यामुळे या परिसरात बिबट्याचा वावर असल्याचे स्पष्ट झाले आहे. ग्रामस्थांच्या वतीने वन खात्याला या घटनेची माहिती कळवण्यात आली आहे.