राजापूर: शनिवारी मध्यरात्री राजापूर शहरातील भटाळी परीसरात एक बिबटया सीसीटीव्ही मध्ये कैद झाला. सदर बिबट्या लगत असलेल्या पोलीस वसाहतीकडून येताना दिसला आणि तो आरामात जात असल्याचे सीसीटीव्ही कॅमेऱ्यात कैद झाले.
सदर परिसरात अनेक वेळा बिबटयाचे नागरिकांना दर्शन झाले आहे. शिवाय शहराच्या विविध परीसरात रात्री अपरात्रीच नव्हे तर भर दिवसा देखील बिबटयाला पहिल्याचे नागरिक सांगतात. काल रात्री बारा वाजण्याच्या आसपास हा बिबट्या राजापूर शहरातील भटाळी परीसरात पोलीस वसाहती कडून येताना सीसीटीव्ही कॅमेरा मध्ये कैद झाला.
यापूर्वी राजापूर पोलीस ठाण्यातून बिबट्या एका कुत्र्याला घेऊन जाताना पोलीस ठाण्यातील सीसीटीव्ही फुटेज मध्ये आढळून आले होते. त्यामुळे पोलीस दलात चिंतेचे वातावरण त्यावेळी पसरले होते. गेले काही दिवस शहरात बिबट्या फिरत असल्याने नागरिक धास्तावले आहेत. शहरात फिरणाऱ्या बिबट्याचा बंदोबस्त केला जावा अशी जोरदार मागणी नागरिकांनातून केली जात आहे.