गणपतीपुळे : रत्नागिरी तालुक्यातील प्रसिद्ध तीर्थक्षेत्र असलेल्या गणपतीपुळे येथील स्वयंभू श्रींच्या मंदिरात 24 ते 28 ऑगस्ट दरम्यान भाद्रपदी गणेशोत्सवानिमित्त विविध कार्यक्रमांचे आयोजन केले आहे.
या कार्यक्रमांमध्ये 24 ऑगस्ट रोजी सकाळी 9.30 ते 11.30 पर्यंत श्रींची महापूजा व प्रसाद त्या नंतर 24 ते 28 ऑगस्टपर्यंत दररोज सायंकाळी 7 ते 7.30 वाजेपर्यंत आरती व मंत्रपुष्प, 25 ऑगस्ट रोजी दुपारी 11 ते 12 पर्यंत सहस्त्र मोदक समर्पण, 24 ते 28 ऑगस्टपर्यंत दररोज सायंकाळी 7.30 ते 9.30 वाजेपर्यंत डोंबिवली मुंबई येथील प्रसिद्ध कीर्तनकार ह. भ. प. सौ. वेदश्री वैभव ओक यांचे सुश्राव्य कीर्तन त्यानंतर 27 ऑगस्ट रोजी गणपती मंदिराच्या प्रदक्षिणा मार्गावर स्वयंभू श्रींची पालखी मिरवणूक कार्यक्रमांचे आयोजन करण्यात आले आहे.
त्या नंतर भाद्रपदी गणेशोत्सवानिमित्त 4 सप्टेंबर रोजी वामन जयंतीनिमित्त संस्थान श्री देव गणपतीपुळे यांच्या वतीने सकाळी 11.30 ते दुपारी 2 वाजेपर्यंत महाप्रसादाचे आयोजन करण्यात आले आहे.