अहमदनगर; पुढारी वृत्तसेवा : राष्ट्रपती द्रौपदी मुर्मू जुलै महिन्यात शिर्डी दौर्यावर येणार असून, या दौर्यात चोख व्यवस्था ठेवण्याबरोबरच अधिकार्यांनी नेमून दिलेली जबाबदारी काटेकोरपणे पार पाडावी, असे निर्देश जिल्हाधिकारी सिद्धाराम सालीमठ यांनी सोमवारी दिले. राष्ट्रपतींच्या अहमदनगर जिल्हा दौर्याच्या पार्श्वभूमीवर जिल्हाधिकारी कार्यालयात सोमवारी पूर्वतयारी आढावा बैठक झाली. जिल्हा पोलिस अधीक्षक राकेश ओला, जिल्हा परिषदेचे मुख्य कार्यकारी अधिकारी आशिष येरेकर उपस्थित होते.
राष्ट्रपतींच्या दौर्यादरम्यान कडेकोट सुरक्षा व्यवस्था ठेवावी. ज्या ठिकाणी राष्ट्रपती थांबणार आहेतस ते विश्रामगृह, तसेच कार्यक्रमस्थळी पुरेशा प्रमाणात पोलिस बंदोबस्त तैनात ठेवण्यात यावा. सुरक्षा व्यवस्थेबाबत ब्लू बुकमधील सूचनांची काटेकोरपणे अंमलबजावणी करावी. राष्ट्रपती ज्या मार्गाने प्रवास करणार आहेत, त्या ठिकाणी वाहतुकीचे नियमन करावे. आवश्यकतेनुसार रस्त्यांची दुरुस्ती करून घ्यावी, असे निर्देशही जिल्हाधिकारी सालीमठ यांनी अधिकार्यांना दिले. संपूर्ण दौर्यादरम्यान वीजपुरवठा सुरळीत ठेवावा, रस्त्यावरील सर्व विद्युत तारांची तपासणी करावी, अद्ययावत आरोग्य पथक सर्व सुविधांसह सज्ज ठेवावे, अशा सूचनाही जिल्हाधिकार्यांनी दिल्या.
हेही वाचा