पुढारी ऑनलाईन डेस्‍क : मुंबई-बंगळूर उद्यान एक्स्प्रेसमधून प्रवासी उतरल्यानंतर रेल्वे प्लॅटफॉर्मवर उभी होती. अचानक या काही डब्यांना आग लागली. सुदैवाने यामध्ये कोणतीही जीवितहानी झालेली नाही.
बंगळूरच्या क्रांतिवीर सांगोली रायण्णा रेल्वे स्थानकावर उद्यान एक्स्प्रेस सकाळी साडेसातच्या सुमारास थांबली होती. अचानक आग लागली आणि प्लॅटफॉर्मवर धूर पसरला. दोन डब्यांना आग लागल्याचे सांगण्यात आले आहे. याबाबत माहिती मिळताच अधिकारी घटनास्थळी तात्‍काळ दाखल झाले. तसेच अग्निशमन दलाच्या गाड्या घटनास्थळी पोहोचल्या. कोणतीही जीवितहानी झाली नाही. तसेच आगीचे कारण अद्याप समजू शकले नसल्याचे अधिकाऱ्यांनी सांगितले.
.हेही वाचा