पुढारी ऑनलाइन डेस्क : NCP Meet @ Delhi : राष्ट्रवादी काॅंग्रेस पक्ष फोडणाऱ्यांना आगामी काळात त्याची जबरदस्त किंमत मोजावी लागेल, असा सज्जड इशारा शरद पवार यांनी फुटीर गटाला दिला आहे. पक्षाच्या राष्ट्रीय कार्यकारिणी बैठकीनंतर झालेल्या पत्रकार परिषदेत ते बोलत होते. पुढील विधानसभा निवडणुकीनंतर राज्यात महाविकास आघाडीचे सरकार सत्तेत येईल, असा विश्वास व्यक्त करतानाच राष्ट्रवादीचा अध्यक्ष मीच आहे, असेही त्यांनी ठणकावले. दरम्यान शिंदे सरकारमध्ये मंत्रिपदाची शपथ घेतलेल्या 9 आमदारांचे तसेच प्रफूल्ल पटेल, सुनील तटकरे या दोन खासदारांचे पक्षातून निलंबन करण्यात आले आहे.
राष्ट्रवादीमध्ये फूट पडल्याच्या पार्श्वभूमीवर पक्षाच्या राष्ट्रीय कार्यकारिणीचे दिल्लीत आयोजन करण्यात आले होते. यावेळी शरद पवार यांच्या नेतृत्वावर कार्यकारिणी सदस्यांनी विश्वास व्यक्त केला. राष्ट्रवादीच्या अध्यक्षपदावर अजित पवार यांनी दावा ठोकलेला आहे, असे विचारले असता शरद पवार यांनी 'अध्यक्ष मीच आहे आणि कोणी दावा करीत असेल तर त्यात तथ्य नाही', असे सांगितले. अजित पवार गटाकडून निवडणूक आयोगात वेगवेगळे दावे करण्यात आले आहेत. मात्र आमचा आयोगाच्या कामावर विश्वास असून तेथे न्याय होईल. पुढील कायदेशीर संस्थांकडे जावे लागणार नाही, असे पवार म्हणाले.
कार्यकारिणी बैठकीसाठी आलेल्या पदाधिकाऱ्यांचे मनोबल उंचावलेले होते. पक्षाला पुन्हा चांगल्या सि्थतीत आणण्याचा निर्धार आम्ही केला आहे, असे सांगत पवार पुढे म्हणाले की, काही लोकांनी पक्षाला नुकसान पोहोचविले आहे. मात्र राज्यात प्रत्येक स्तरावर आम्हाला जनतेचे समर्थन आहे. भाजपने सत्ता काबीज केल्यानंतर ईडी, सीबीआय व इतर तपास संस्थांच्या माध्यमातून विरोधकांना प्रताडित केले आहे. निवडणुकांचे घोडामैदान जवळ आहे, सत्ताबदल झाल्यानंतर आताच्या सत्ताधाऱ्यांना त्याची किंमत द्यावी लागेल.
* वय 82 असो की 92, त्याने फरक पडत नाही…
कार्यकारिणीत बैठकीस खा. सुप्रिया सुळे, खा. फौजिया खान, पी. सी. चाको, योगानंद शास्त्री, जितेंद्र आव्हान, हरियानाचे वीरेंद्र वर्मा आदी कार्यकारिणी सदस्य उपस्थित होते. यावेळी पक्षविरोधी कारवाया केल्याचे सांगत एस. आर. कोहली यांचेही निलंबन करण्यात आले. बैठकीनंतर पी. सी. चाको म्हणाले की, पक्षाच्या सर्व 27 राज्यांच्या शाखा शरद पवार यांच्यासोबत आहेत. एकही शाखा अजित पवार यांच्या पाठिशी नाही. बैठकीत आठ ठराव मंजूर करण्यात आलेले आहेत.
* शरद पवार यांच्या नावावर शिक्कामोर्तब….
हे ही वाचा :