नाशिक (चांदवड) : पुढारी वृत्तसेवा
तालुक्यातील वडाळीभोई येथील पोलीस चौकी समोरील मुंबई आग्रा महामार्गालगत एका ४० ते ४५ वर्ष वयोगटातील अज्ञात व्यक्तीचा मृतदेह आढळला आहे. या घटनेबाबत ज्ञानेश्वर काशिनाथ लोखंडे यांनी खबर दिल्याने वडनेरभैरव पोलिसांनी आकस्मिक मृत्यूची नोंद करण्यात आली आहे. या घटनेची माहिती मिळताच वडनेरभैरवचे सहाय्यक पोलीस निरीक्षक मयूर भामरे यांनी घटनास्थळी जाऊन पाहणी करत पंचनामा केला आहे. पोलीस नाईक माळी हे पुढील तपास करीत आहेत.