पनवेल; विक्रम बाबर पनवेल तालुक्यासह कामोठे शहरात आज (रविवार) सकाळी 9 वाजून 40 मिनिटांच्या आसपास भूकंपाचे सौम्य हादरे बसले. यावेळी अनेक इमारतींनाही हादरे जाणवले. तसेच घरातील सामान देखील काही अंशी हलताना दिसून आले. यामुळे नागरिकांमध्ये भीतीचे वातावरण निर्माण झाले.
हे हादरे बसण्यापूर्वी एक मोठा आवाज झाला आणि काही सेकंदासाठी कंप झाल्याचे जाणवले आहे. त्यामुळे पनवेल तालुक्यात भीतीचे वातावरण तयार झाले आहे. या घटनेला पनवेल तहसीलदार विजय पाटील आणि पनवेल महानगरपालिका आयुक्त गणेश देशमुख यांनी दुजोरा दिला आहे. मात्र हा भूकंप नसावा असे त्याचे मत आहे.
हेही वाचा :