पुढारी ऑनलाईन डेस्‍क : आपल्‍या जोडीदाराची फसवणूक करत विवाह्यबाह्य संबंध ठेवणार्‍या लोकांची मानसिकता कशी असते, यावर वेस्टर्न ओंटारियो विद्यापीठात नुकतेच संशोधन झाले. 'सायकोलॉजी ऑफ इन्फिडेलिटी' संशोधनात काही धक्कादायक निष्‍कर्ष नवीन सर्वेक्षणातून समाेर आला आहे. ( Extra Marital Affair Survey ) अर्काइव्हज ऑफ सेक्शुअल बिहेविअर या जर्नलमध्ये नवीन सर्वेक्षणातील माहिती प्रकाशित करण्‍यात आली आहे. जाणून घेवूया या निष्‍कर्षांविषयी….
जॉन्स हॉपकिन्स विद्यापीठाच्या विभागातील सहयोगी प्राध्यापक डायलन सेल्टरमन यांनी सांगितले की, मानसशास्त्र आणि मेंदू विज्ञानाच्‍या अभ्‍यासानुसार आकर्षणाचा अभ्यास करण्‍यात आला. विवाहबाह्य संबंध शोधणाऱ्या आणि त्यात गुंतलेल्यांचे मनोवैज्ञानिक अनुभव अधिक चांगल्या प्रकारे समजून घेण्यासाठी संशोधकांनी एक सर्वेक्षण केले. यामध्‍ये दोन हजार जणांची मते नोंदवण्‍यात आली. यामध्‍ये सहभागी झालेल्‍यांना त्यांच्या लग्नाच्या स्थितीबद्दल, त्यांना प्रेमसंबंध का ठेवायचे आहेत आणि त्यांच्या सामान्य आरोग्याबद्दल प्रश्‍न विचारले गेले हाेते.
प्रतिसादकर्त्यांनी, सामान्यतः मध्यमवयीन पुरुष, त्यांच्या जोडीदाराबद्दल उच्च पातळीचे प्रेम, तरीही लैंगिक समाधानाची पातळी कमी असल्याचे मत नोंदवले. सुमारे अर्ध्याहून अधिक सहभागकर्त्यांनी सांगितले की, ते जोडीदाराबरोबर लैंगिकदृष्ट्या सक्रिय नव्हते. लैंगिक असमाधान ही प्रेमसंबंध ठेवण्याची मुख्‍य प्रेरणा होती. ज्यामध्ये स्वातंत्र्याची इच्छा आणि लैंगिक विविधता यासह अन्‍य प्रेरणाही होत्या. मात्र प्रेमाचा अभाव किंवा जोडीदाराबरोबर मतभेद हे विवाह्यबाह्य संबंध ठेवण्‍याचे मुख्‍य कारण नव्हते, हे विशेष.
विवाहित लोकांना त्यांचे विवाहयबाह्य संबंध आनंददायी वाटत असतात. त्यांना अशा संबंधांचा पश्‍चाताप होत नाही. तसेच
आपण करत असलेल्‍या फसवणुकीच्‍या त्‍याच्‍या वैवाहिक जीवनावर कोणताही परिणाम होणार नाही, असा त्‍याचा विश्‍वास असतो. टीव्‍हीवरील मालिका, चित्रपट आणि पुस्‍तकांमध्‍ये विवाह्यबाह्य संबंध असणार्‍या पात्रांना नैतिक अपराधी पणाची भावना असल्याचे दाखवले जाते; पण प्रत्‍यक्ष वास्‍तव जीवनात अशा प्रकारचे संबंध असणार्‍या लोकांना कोणताही पश्‍चाताप होत नाही, असा निष्‍कर्ष सर्वेक्षणात नाेंदविण्‍यात आला आहे. या सर्वेक्षणात असे आढळलं की, विवाह्यबाह्य संबंध ठेवणार्‍यांमध्‍ये लैंगिक समाधान आणि भावनिक समाधान अधिक दिसले तर पश्चात्तापाच्या भावना कमी होत्या, तसेच ज्‍यांचे वैवाहिक जीवन सुरुळीत सुरु असते त्‍यातील फसवणूक करणार्‍या जोडीदाराला पश्‍चातापाची शक्‍यता कमी असल्याचे सर्वेक्षणात आढळले.
सहभागींनी सामान्यपणे नोंदवले की, त्यांचे विवाह्यबाह्य लैंगिक आणि भावनिक दोन्ही दृष्टीने अत्यंत समाधानकारक होते. त्यांना त्याबद्दल खेद वाटत नाही. काहींनी विवाहबाह्य संबंध ठेवले कारण त्यांना कादंबरी प्रमाणे रोमांचक लैंगिक अनुभव हवे होते. तसेच काहीवेळा त्यांना भावनिक पूर्ततेच्या गरजेपेक्षा त्यांच्या जोडीदारांप्रती दृढ वचनबद्धता वाटत नव्हती, असेही या सर्वेक्षणात आढळले.
जेव्हा लोक विवाहात बांधील असतात तेव्हा लोक एकपत्नीत्वाला गृहित धरतात. ते फक्त असे मानतात की, त्यांचा जोडीदार आहे. त्यांच्या आयुष्यातील पुढील ५० वर्षे एका व्यक्तीसोबत लैंगिक संबंध ठेवून पूर्ण समाधानी होणार आहे; परंतु बरेच लोक त्यात अपयशी ठरतात. याचा अर्थ असा नाही की, प्रत्येकाचे नाते संपुष्टात आले आहे, याचा अर्थ फसवणूक हा लोकांच्या नातेसंबंधांचा एक सामान्य भाग असू शकतो, असेही या सवेंक्षणात नमूद करण्‍यात आले आहे.
हेही वाचा :