पुढारी ऑनलाईन: अरुणाचल प्रदेशातील पैंगीनच्या उत्तरेला आज (दि.२८ जुलै) सकाळी ८.५० वाजता भूकंपाचे धक्के जाणवले. या सौम्य भूकंपाची तीव्रता ४.०० रिश्टर स्केल इतकी होती, अशी माहिती राष्ट्रीय भूकंप विज्ञान केंद्राने दिली आहे. या भूकंपात कोणतीही जीवितहानी झाली नसल्याचे वृत्त आहे. अरूणाचल प्रदेशात भूकंप होण्याची ही या आठवड्यातील दुसरी वेळ आहे.
यापूर्वी अरूणाचल प्रदेशमध्ये आणखी एकदा भूकंपाचे धक्के बसले होते. शनिवारी (दि. 22 जुलै) रोजी अरुणाचल प्रदेशातील तवांगमध्ये धक्के जाणवले होते. या भूकंपाची तीव्रता ३.३ रिश्टर स्केल इतकी होती.