वॉशिंग्टन; वृत्तसंस्था : अमेरिकन राष्ट्राध्यक्ष जो बायडेन (Joe Biden) यांच्या डेलावेयर येथील बंगल्यात 8 वर्षांपूर्वीच्या गोपनीय फायलींचे 20 संच सापडले आहेत. सरकारी कार्यालयाऐवजी बायडेन यांनी या फायली आपल्या घरात का ठेवल्या, त्याच्या चौकशीसाठी अमेरिकन न्याय विभागाने विशेष समिती नेमली आहे.
बराक ओबामा राष्ट्राध्यक्ष असताना बायडेन (Joe Biden) उपराष्ट्राध्यक्ष होते. तेव्हाच्या या फायली आहेत. मलाच माहीत नाही, की फायलींमध्ये काय आहे आणि त्या माझ्या घरी कशा आल्या, असा खुलासा बायडेन यांनी केला आहे. सीएनएन आणि न्यूयॉर्क टाईम्सच्या वृत्तानुसार पहिल्या 10 फायलींच्या संचात युक्रेन, इराण आणि ब्रिटनशी संबंधित माहिती आहे; तर अन्य फायलींत जो बायडेन यांचा मुलगा बी. यू. बायडेन याच्या 2015 मध्ये झालेल्या मृत्यूशी संबंधित माहिती आहे. टॉप सिक्रेट असे लेबल या फायलींवर नमूद आहे. दुसरीकडे या फायलींमध्ये 8 वर्षांपूर्वीच्या ओबामा-बायडेन प्रशासनातील काही नोंदी आहेत, असे बायडेन यांच्या वकिलाचे म्हणणे आहे.
अधिक वाचा :