पुढारी ऑनलाईन डेस्क : 'पेट्रोल एवढं महागले आहे की, बुलेटच्या एका 'फायरिंग'ला दहा रुपये पडतात,' असे म्हणत मोटारसायकल बुलेटवर स्‍वार होणारे, तुम्‍हाला दिसले असतील. ऐटदार आणि रुबाबदार सवारी अशी बुलेटची क्रेझ तरुणाईमध्ये आहे. मात्र पेट्रोल भाववाढीमुळे याला मुरड घालावी लागते. मात्र एका पठ्याने थेट आपल्‍या सायकलाच बुलेटचा लूक देत आपली रुबाबदार सवारी कायम ठेवली आहे. याचा व्‍हिडीओ सोशल मीडियावर तुफान व्हायरल होत आहे. (Bullet Savari)
व्हायरल होत असणाऱ्या असणाऱ्या व्हिडिओमध्ये एक तरुण बुलेटची सवारी करत आहे. मात्र ही बुलेट पाहून सगळेचजण हैराण झाले आहेत. याचे कारण असे आहे की, व्हिडीओमध्‍ये दिसणारा तरुणाने चक्क सायकलला बुलेटचा लुक दिला आहे.
व्हायरल होत असलेल्या या व्हिडिओमध्ये एक तरुण गोळी झाडताना दिसत आहे. पण व्यवस्थित पाहिल्यास हा तरुण पायडल मारून बुलेट चालवत असल्याचे दिसून येईल. या तरुणाच्या सायकलच्या वरचा भाग बुलेटचा आहे, आणि खाली बाजूला पायडल आहे. त्याचबरोबर या या जुगाड केलेल्या सायकलची चाके देखील बुलेटची आहेत.
तरुणाच्या या जुगाडवर सोशल मीडियावरील यूजर्स मजेशीर प्रतिक्रिया देत आहेत. कोण याला इको फ्रेंडली बुलेट म्हणत आहे, तर कोण याला जुगाडचा बादशाह म्हणत आहे. प्रिन्स राज नावाच्या या युजरने हा व्हिडिओ इंस्टाग्रामवर शेअर केला आहे. या व्हिडिओला आतापर्यंत 9 लाखांहून अधिक लाईक्स मिळाले आहेत.
हेही वाचा