पुढारी ऑनलाईन; अभिनेता अंकित मोहन ( Ankit Mohan ) आजवर मालिका चित्रपटातून चाहत्यांच्या भेटीस आला आहे. त्याने हिंदी आणि मराठी सिनेविश्वात आपल्या अभिनयाची जादू दाखवत चाहत्यांच्या मनात घर केले. आता मात्र, अंकित एका वेगळ्याच रूपात चाहत्याच्या भेटीस येणार आहे.
नुकत्याच सुरु झालेल्या क्रेझी ऍपच्या गाण्यात अंकितला पाहायला मिळाले आहे. 'क्रेझी क्रेझी क्रेझी' असे या रॅप सॉंगचे बोल असून या गाण्यात अंकित मुख्य भूमिकेत दिसत आहे. या रॅप सॉंगमधून अंकितने क्रेझी ऍप नेमकं काय आहे हे सांगितले आहे. या गाण्यात अंकित एनर्जेटिक पाहायला मिळाला आहे.
अंकितने गाण्यातून केलेल्या या क्रेझी ऍपच्या प्रशंसेबाबत बोलायचे झाले तर या ऍपमध्ये क्रिएटर, कलाकार यांच्या जोडीला ऑडियन्सलाही संधी मिळणार आहे. भाषेचे बंधन नसणाऱ्या या क्रेझी ऍपमधून एक उत्तम प्लॅटफॉर्म मिळण्याची संधी उपलब्ध केली जाणार आहे. आपल्या अंगी असलेल्या कलागुणांना वाव देण्यासाठी हा उत्तम प्लॅटफॉर्म असणार आहे. अंकितने या गाण्यातून कलाकागुणांना प्लॅटफॉर्म मिळाला आहे. तर त्याचा योग्य तो उपयोग करा हेच सांगण्याचा प्रयत्न केला गेला आहे.
या क्रेझी रॅप सॉंगची निर्मिती देवभाई खेतभाई भतेसार, ओमकार विलास दळवी, सुरेंद्र राजेंद्र कुडतडकर यांनी केली असून दिग्दर्शक अमोल जाधव यांनी हे गाणे दिग्दर्शित केले आहे. या गाण्याचे क्रिएटिव्ह हेड आणि 'क्रेझी ऍप' चे फाउंडर म्हणून संकेत सूर्यकांत शिंत्रे यांनी बाजू सांभाळली आहे.
तर या गाण्याला सुरेश विश्वकर्मा यांनी आपली कॅमेऱ्यात कैद केले आहे. या गाण्याचे बोल आर. विशाल लिखित असून त्यानेच या गाण्याच्या संगीताची बाजू सांभाळली आहे. हे गाणे कोरियोग्राफर संदेश वसंत नेवरेकरने कोरियोग्राफ केले आहे.
या गाण्याचे क्रिएटिव्ह हेड आणि 'क्रेझी ऍप'चे फाउंडर संकेत शिंत्रे असे म्हणतात की, 'हे गाणे चाहत्यांच्या भेटीस घेऊन येण्याचे खास कारण म्हणजे, नव्या प्लॅटफॉर्मची जनजागृती करणे हाच आहे. अंकितने या गाण्यात उत्तम बाजू सांभाळली आहे. अंगी दडलेल्या गुणांना योग्य असा प्लॅटफॉर्म मिळवून देण्यास हे गाणे नक्कीच जबाबदार राहील यांत शंकाच नाही. एका ऍपचे गाणे बनवणे हा देखील नवा टास्क माझ्या समोर होता. मात्र, संपूर्ण टीमच्या सहाय्याने आम्ही हे गाणे चाहत्यांच्या भेटीस घेऊन आलो आहोत.'
हेही वाचलंत का?