केरळमध्ये अनेक जिल्ह्यांमध्ये पावसाने हाहाकार माजवला आहे.
निसर्गाची देण लाभलेल्या केरळमध्ये (kerala rain) कोरोनाचा हाहाकार सुरु असतानाच आता परतीच्या पावसाने अक्षरश: तांडव केले आहे. केरळच्या अनेक जिल्ह्यात पावसाने थैमान घातले आहे. दरम्यान आज आणि उद्या राज्यात पाऊस थैमान घालण्याचा इशारा हवामान खात्याकडून देण्यात आला आहे. पावसाशी संबंधित घटनांमध्ये किमान पाच जणांचा मृत्यू झाला आहे.
केरळच्या काही भागात मुसळधार पावसामुळे इडुक्की आणि कोट्टायम जिल्ह्यात भूस्खलन झाले आहे. हवामान विभागाने रविवारीही मुसळधार ते अतिवृष्टीचा अंदाज वर्तवला आहे. दरम्यान, त्रावणकोर देवासम मंडळाने भगवान अयप्पाच्या भक्तांना 17 आणि 18 ऑक्टोबर रोजी सबरीमाला मंदिरात जाण्यापासून टाळण्याचे आवाहन केले आहे. राज्याच्या पठाणमथिट्टा जिल्ह्यात मुसळधार पाऊस सुरू आहे आणि पंबा नदीतील पाण्याची पातळी चिंताजनक पातळीपर्यंत वाढत आहे.
kerala rain : केरळमध्ये पावसाचा हाहाकार; १० महत्त्वाच्या अपडेट
- केरळच्या काही भागात मुसळधार पावसामुळे इडुक्की आणि कोट्टायम जिल्ह्यात भूस्खलन झाले आहे. राज्याच्या विविध भागात पावसाशी संबंधित घटनांमध्ये किमान पाच जणांचा मृत्यू झाला आहे. हवामान खात्याने रविवारी सकाळपर्यंत मुसळधार ते अतिवृष्टीचा अंदाज वर्तवला आहे.
- शनिवारी झालेल्या मुसळधार पावसानंतर राज्यातील कोट्टायम आणि इडुक्की जिल्ह्यात भूस्खलन झाल्याची माहिती आहे. राज्यात या अपघातात आतापर्यंत पाच जणांचा मृत्यू झाला आहे. कोट्टायममध्ये १२ जण बेपत्ता झाल्याचेही वृत्त आहे.
- पठाणमथिट्टा, कोट्टायम, एर्नाकुलम, इडुक्की, त्रिशूर आणि पलक्कड जिल्ह्यांना रेड अलर्टवर ठेवण्यात आले आहे. याशिवाय तिरुअनंतपुरम, कोल्लम, अलप्पुझा, मलप्पुरम, कोझीकोड आणि वायनाड या सात जिल्ह्यांमध्ये ऑरेंज अलर्ट जारी करण्यात आला आहे.
- राज्यात अतिवृष्टीनंतर पूरसदृश परिस्थिती असताना केरळच्या सहा जिल्ह्यांमध्ये जारी करण्यात आलेला रेड अलर्ट पाहता, दक्षिण नौदल कमांड स्थानिक प्रशासनाला मदत आणि बचाव कार्यात मदत करण्यास तयार आहे. सूत्रांनी दिलेल्या माहितीनुसार, हवामान अनुकूल झाल्यास दक्षिणी नौदल कमांड हेलिकॉप्टर तैनात करण्यास तयार आहे.
- केरळ सरकारच्या विनंतीवरून लष्कर, नौदल आणि हवाई दलाने नागरी प्रशासनाला परिस्थितीला सामोरे जाण्यासाठी मदतीचा हात पुढे केला आहे. Mi-17 आणि सारंग हेलिकॉप्टर स्टँडबायवर आहेत आणि दक्षिणी हवाई कमांड अंतर्गत सर्व तळ हाय अलर्टवर आहेत.
- लष्कराने पूरग्रस्त भागात आपले सैनिक तैनात केले आहेत. सुमारे ३० जवानांचा समावेश असलेल्या लष्करी तुकडीला पांगोडे लष्करी स्थानकातून कोट्टायम जिल्ह्यातील कांजीरापल्ली येथे हलवण्यात आले आहे.
- दक्षिणी नौदल कमांड देखील बचाव कार्यात सामील होण्यासाठी तयार आहे आणि राज्य आपत्ती व्यवस्थापन प्राधिकरणाच्या संपर्कात आहे.
- मुख्यमंत्री कार्यालयाने लोकांना सतर्क राहण्याचा इशारा देताना पत्र पाठवले आहे, ज्यामध्ये लोकांना अत्यंत सावधगिरी बाळगण्याचे आणि पर्वत किंवा नद्याजवळ प्रवास टाळण्याचे आवाहन करण्यात आले आहे.
- हवामान विभागाने केरळ किनारपट्टीवर आग्नेय अरबी समुद्रावर कमी दाबाचे क्षेत्र तयार करण्याकडे लक्ष वेधले आहे, जे पावसामागील कारण आहे. रविवारपर्यंत मुसळधार ते अतिवृष्टीचा अंदाज वर्तवण्यात आला आहे.
- केरळच्या आरोग्यमंत्री वीणा जॉर्ज यांनी शनिवारी जिल्ह्याच्या सखल भागातील पाणी साठवणीचा आढावा घेण्यासाठी पठाणमथिट्टा जिल्हाधिकारी कार्यालयात आढावा बैठक घेतली. जवळच्या कोट्टायम जिल्ह्याप्रमाणे, पठानमथिट्टामध्ये पूरसदृश परिस्थिती आहे.
लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.
'Pudhari' is excited to announce the relaunch of its Android and iOS apps. Stay updated with the latest news at your fingertips.
Android and iOS Download now and stay updated, anytime, anywhere.