पणजी : गोवा (Goa) विधानसभेचे पावसाळी अधिवेशन सध्या सुरू आहे. बुधवारी (दि. १७) सकाळी पर्वरी येथील विधानसभेत येत असताना सभापती रमेश तवडकर (Ramesh Tawadkar) यांची कार झुआरी पुलावर अचानक लॉक झाली आणि पुलाच्या कठड्याला आदळली. सीट बेल्ट लावलेले असल्यामुळे एअर बॅग्ज उघडल्याने मोठा अनर्थ टळला. या अपघातातून रमेश तवडकर थोडक्यात बचावले.
कार लॉक झाल्यानंतर मोठ्या प्रमाणात धूर निर्माण झाला होता. या कारमध्ये सभापती तवडकर यांच्यासह अन्य पाचजण होते. या अपघातात आम्हा कोणालाही दुखापत झाली नाही, आम्ही सर्व सुखरूप असल्याचे सभापती तवडकर यांनी सांगितले आहे.