पणजी : पुढारी वृत्तसेवा
सरकारला प्रश्नोत्तराचा तास चुकवायचा असल्यामुळेच काँग्रेस आमदार एल्टन डिकॉस्टा यांच्या माफीनाम्याचा विषय उगाळत असल्याचा आरोप आमदार विजय सरदेसाई यांनी केला. सभापती रमेश तवडकर यांचा अवमान केल्याप्रकरणी आमदार डिकॉस्टा यांनी माफी मागावी हा विषय सत्ताधारी आमदारांनी पुन्हा एकदा लावून धरला. या विषयावर गदारोळ झाल्यानंतर सभागृहाचे कामकाज तहकूब करण्यात आले. (Goa Assembly Monsoon Session)
या विषयावर बोलताना आमदार सरदेसाई म्हणाले, सरकारला प्रश्नोत्तराचा तास चुकवायचा आहे. त्यामुळेच सत्ताधारी आमदारांकडून माफी मागण्याचा विषय उगाळण्याचा प्रयत्न सुरू आहे. त्यावर मुख्यमंत्री डॉक्टर प्रमोद सावंत यांनी सरकारला प्रश्नोत्तराचा तास चुकवायचा नसून हा विषय सभापती आसनाच्या सन्मानाचा आहे असे त्यांनी स्पष्टीकरण दिले.(Goa Assembly Monsoon Session)
यावर आमदार डिकॉस्टा यांनी माफी न मागण्याच्या भूमिकेवर ठाम राहत आपण आपली भूमिका हक्कभंग समिती समोर मांडणार असल्याचे सांगितले.(Goa Assembly Monsoon Session)