गोव्यातील प्रसिद्ध लईराई जत्रोत्सव उद्यापासून

Goa's famous Lairai Jatrotsav begins tomorrow

पणजी : पुढारी वृत्तसेवा

लाखो भाविकांचे श्रद्धास्थान असलेल्या उत्तर गोव्यातील शिरगाव येथील श्री देवी लईराईच्या जत्रोत्सवास मंगळवार (दि.21) पासून प्रारंभ होत आहे. पुढील 5 दिवस हजारोंच्या संख्येने भाविकांची पावले शिरगावच्या दिशेने मार्गस्थ होणार असल्याने भक्तांचा महापूर येणार आहे.

गेल्या वर्षीच्या दुर्घटनेच्या पार्श्वभूमीवर राज्य प्रशासनाने यंदा पूर्ण काळजी घेतलेली आहे. मुख्यमंत्री डॉ प्रमोद सावंत यांनी भाविकांना लईराई देवीच्या जत्रेनिमित्त शुभेच्छा दिल्या आहेत.

सर्वांनी शिस्तीचे पालन करताना कोणत्याही प्रकारची गडबड गोंधळ न करता योग्य प्रकारे देवदर्शन घ्यावे तसेच कुणालाही त्रास होणार नाही, याची खबरदारी घ्यावी, असे भावनिक आवाहन केलेले आहे.