पणजी : पुढारी वृत्तसेवा
विरोधी पक्षनेते युरी आलेमाव यांनी शुक्रवारी गोव्यातील पर्यटनाच्या घसरलेल्या दर्जाचा मुद्दा उपस्थित केला. त्यांनी १८ आणि १९ जानेवारी २०२६ रोजी हरमलमध्ये होणाऱ्या कामासूत्र ख्रिसमस ते निओ तंत्रा सिक्रेट पार्टीसारख्या कार्यक्रमांचा उल्लेख केला.
ते म्हणाले की, या समस्यांवर तोडगा काढण्यासाठी पर्यटन विभागाने गृह विभाग आणि सायबर सेलसोबत काम करणे आवश्यक असल्याचेही ते म्हणाले. ते म्हणाले, या कार्यक्रमांची वारंवार आध्यात्मिक, पवित्र आणि वेलनेस अशा नावांनी जाहिरात केली.
जाते, ज्यांचा वापर स्पष्टपणे मर्यादा ओलांडणाऱ्या कृत्यांसाठी आवरण म्हणून केला जात आहे, यामुळे गोव्याच्या प्रतिष्ठेला धक्का पोहोचत आहे. आलेमाव म्हणाले की, आध्यात्मिक पर्यटनाचा गैरवापर होत आहे.
गोवा पर्यटन विभाग अधिकृतपणे योग, वेलनेस, रिट्रीट आणि आध्यात्मिक पर्यटनाला प्रोत्साहन देतो. पण, प्रत्यक्षात जमिनीवर या नावांचा वापर अशा कार्यक्रमांसाठी केला जात आहे. यातून गोव्याची जगभरात बदनामी होत आहे.
गोवा जागतिक थट्टेचा विषय बनणे किंवा सनसनाटी बातम्यांसाठी चर्चेत येणे परवडणारे नाही, असेही ते म्हणाले. ते म्हणाले की, गोव्याने धोकादायक पर्यटनापासून दूर जात आपल्या सांस्कृतिक व सामाजिक रचनेचे संरक्षण केले पाहिजे.
पर्यटनामुळे गोव्याला आदर आणि समृद्धी मिळाली पाहिजे, लाजिरवाणेपणा नाही. जर आपण आताच मर्यादा आखली नाही, तर दुसरे कोणीतरी आपल्यासाठी ती आखतील आणि गोवा आपल्या स्वतःच्या प्रतिमेवरील नियंत्रण गमावून बसेल, असेही आलेमाव म्हणाले.