पणजी : पुढारी वृत्तसेवा
गोवा सरकारच्या पर्यटन विभागाने अल्माटी, कझाकस्तान येथून आलेल्या १२ पाहुण्यांच्या प्रतिनिधी सद्गुरू मंडळाचे पर्यटन भवनात स्वागत केले. पारंपरिक गोमंतकीय आतिथ्याचे प्रतीक म्हणून त्यांचे फुलांनी स्वागत करण्यात आले.
या प्रतिनिधी मंडळाचे स्वागत करण्यासाठी सहायक संचालक (पर्यटन) जयेश काणकोणकर, गोवा पर्यटन विकास महामंडळाचे (जीटीडीसी) उपमहाव्यवस्थापक (मार्केटिंग) दीपक नार्वेकर, सहायक पर्यटन अधिकारी चित्रा वेंगुर्लेकर, जीटीडीसीचे वरिष्ठ व्यवस्थापक प्रवीण फळदेसाई तसेच पर्यटन विभागातील अधिकारी उपस्थित होते.
हे प्रतिनिधी मंडळ केपर ट्रॅव्हलच्या माध्यमातून गोव्यात आले आहेत. यावेळी कार्यकारी संचालक अबिदा कुमार आणि वरिष्ठ उपाध्यक्ष गोवा चार्टर्स एग्बर्ट डायस उपस्थित होते. मंत्री रोहन खंवटे यांनी सांगितले की, गोवा उदयोन्मुख आंतरराष्ट्रीय बाजारपेठांना महत्त्व देत असून जागतिक स्तरावर विस्तार सातत्याने मजबूत करत आहे. अशा भेटीमुळे पर्यटकांमध्ये विश्वास निर्माण होतो.