संबरगी : ऊस तोडणी मशीन मागे येत असताना मशीनखाली सापडल्याने महिलेचा मृत्यू झाल्याची घटना सप्तसागर (ता. अथणी) येथे घडली. शोभव्वा भालचंद्र संक्राटी (वय 40) असे मृत महिलेचे नाव आहे.
संक्राटी मळ्यात उसाची तोडणी सुरु असताना शोभव्वा संक्राटी तुटलेल्या उसाचे तुकडे गोळा करत होत्या. त्यावेळी मशीन मागे येत असताना त्या मशीनखाली सापडल्याने जागीच ठार झाल्या.या घटनेची नोंद अथणी पोलिस ठाण्यात झाली आहे. मशीन चालकाविरुद्ध गुन्हा नोंद करण्यात आला आहे. शवविच्छेदन करून मृतदेह नातेवाईकांच्या ताब्यात देण्यात आला. त्यांच्या निधनामुळे परिसरातून हळहळ व्यक्त होत आहे.