मुंबई, पुढारी वृत्तसेवा : महाराष्ट्राचे नवनियुक्त राज्यपाल रमेश बैस शनिवारी (दि. १८) पदाची सूत्रे स्वीकारणार असून त्यांचे आज छत्रपती शिवाजी महाराज आंतरराष्ट्रीय विमानतळावर सपत्नीक आगमन झाले. यावेळी मुख्यमंत्री एकनाथ शिंदे यांनी त्यांचे पुष्पगुच्छ देऊन स्वागत केले.
यावेळी मुंबई उपनगर जिल्ह्याचे पालकमंत्री मंगलप्रभात लोढा, राज्याचे मुख्य सचिव मनुकुमार श्रीवास्तव, पोलीस महासंचालक रजनीश सेठ, मुंबईचे पोलीस आयुक्त विवेक फणसाळकर, अपर मुख्य सचिव तथा मुख्य राजशिष्टाचार अधिकारी श्रीमती मनीषा म्हैसकर आदी मान्यवरांनीही श्री. बैस यांचे स्वागत केले.