पिंपरी; पुढारी वृत्तसेवा : आर्मीमध्येमध्ये नोकरी लावण्याचे आमिष दाखवून फसवणूक प्रकरणी ( Army recruitment fraud ) सांगवी पोलिसांनी तिघांना अटक केली. यामध्ये आर्मीमधील काही वरिष्ठ अधिकाऱ्यांचा सहभाग असण्याची शक्यता व्यक्त केली जात आहे. त्यामुळे या प्रकरणाचा तपास करण्यासाठी विशेष तपास पथकाची (एसआयटी) स्थापना करण्यात आली आहे.
याप्रकरणी गजानन पुरुषोत्तम मिसाळ (वय २३, रा. भातकुली, ता. भातकुली, जि. अमरावती) यांनी याप्रकरणी सांगवी पोलीस ठाण्यात फिर्याद दिली. सतीश कुंडलिक डहाणे (४०, रा. औंध मिलिटरी कॅम्प, पुणे), श्रीराम बनाजी कदम, अक्षय देवलाल वानखेडे (रा. तेल्हारा, ता. तेल्हारा, जि. अकोला), अशी अटक केलेल्या आरोपींची नावे आहेत. ( Army recruitment fraud )
पोलिसांनी दिलेल्या माहितीनुसार, आरोपींनी आर्मीमध्ये बॉर्डर रोडस ऑर्गनायझेशन (जीआरईएफ) मध्ये व्हेईकल मॅकॅनिक या पदावर नोकरी लावण्याचे आमिष दाखवून तरुणांकडून हजारो रुपये घेऊन फसवणूक केली. आर्मी इंटेलिजन्सने याप्रकरणी तीन संशयिताना पकडून पोलिसांच्या ताब्यात दिले. ( Army recruitment fraud )
आरोपी सतीश डहाणे व श्रीराम कदम हे दोघेही सैन्य दलातून निवृत्त झालेले आहेत. यातील डहाणे हा सैन्यदलात शिपाई तर आरोपी कदम हा 'गवंडी' म्हणून कार्यरत होता. आरोपी अक्षय वानखेडे हा याप्रकरणात एजंट म्हणून काम करीत होता, असे समोर आले आहे. यात आणखी कोणाचा सभाग आहे, तसेच आणखी किती जणांची आरोपींनी फसवणूक केली आहे, याबाबत पोलिसांकडून कसून चौकशी सुरू आहे. तसेच, यामध्ये 'आर्मी'मधील बड्या अधिकाऱ्यांचा समोवश असण्याची शक्यता वर्तविण्यात येत आहे.
आर्मी इंटेलिजन्सच्या सहकार्याने या प्रकरणाचा तपास करण्यात येत आहे. त्यामुळे पोलीस आयुक्त कृष्ण प्रकाश यांनी पोलिसांच्या विशेष तपास पथकाची स्थापना केली आहे.
अशी आहे 'एसआयटी' ( Army recruitment fraud )
सहायक पोलीस आयुक्त पद्माकर घनवट यांच्या मार्गदर्शनाखाली या गुन्ह्याचा तपास सुरू आहे. वरिष्ठ पोलीस निरीक्षक सुनील टोणपे, अजय जोगदंड, डॉ. संजय तुंगार, सहायक निरीक्षक प्रसन्न जराड, अंबरिष देशमुख, उपनिरीक्षक मिनीनाथ वरुडे यांचा एसआयटीत समावेश आहे.
