हिंगोली; पुढारी वृत्तसेवा : हिंगोलीची कोरोनामुक्तीकडे वाटचाल : जिल्ह्यात कोरोनाचा नवीन एकही रुग्ण नाही, तर एक रुग्ण बरे झाल्याने त्यांना डिस्चार्ज देण्यात आल्याची माहिती जिल्हा शल्य चिकित्सक डॉ. राजेंद्र सुर्यवंशी यांनी आज दिली आहे.
सद्य:स्थितीत जिल्हा सामान्य रुग्णालयातील आयसोलेशन वार्डमध्ये भरती असलेल्या कोविड-19 रुग्णांपैकी 06 रुग्णांची प्रकृती गंभीर असल्याने त्यांना ऑक्सीजन चालू आहे.
आज रोजी एकूण 06 रुग्णांची प्रकृती चिंताजनक असून तज्ज्ञ डॉक्टरामार्फत त्यांच्यावर उपचार सुरु आहेत.
जिल्ह्यात आजपर्यंत कोविड-19 चे एकूण 16 हजार 22 रुग्ण झाले असून, त्यापैकी 15 हजार 629 रुग्ण बरे झाल्याने त्यांना डिस्चार्ज देण्यात आला आहे.
आज घडीला जिल्ह्यात 01 आरटीपीसीआर पॉझिटीव्ह व 09 संशयित रुग्ण असे एकूण 10 रुग्णांवर उपचार सुरु आहेत. तसेच कोविड-19 मुळे जिल्ह्यात आतापर्यंत 392 व्यक्तींचा मृत्यू झाला असल्याचे जिल्हा शल्यचिकित्सक डॉ. राजेंद्र सुर्यवंशी यांनी कळविले आहे.
हे ही वाचलं का?
