सातारा : पुढारी वृत्तसेवा : आयुर्वेदिक औषध विक्री दुकानात अॅलोपॅथिक औषधाची भेसळ करून ती विक्री करत असल्याचा धक्कादायक प्रकार उजेडात आल्याने खळबळ उडाली आहे. याप्रकरणी कराड येथील गंगा मेडिकल शॉपीचे चालक अरविंद रघुनाथ चव्हाण व बिर्ला फार्मास्युटिकल्स प्रा. लि., राजस्थान या कंपनीचे मालक नवीन कुमार बिर्ला यांच्यावर गुन्हा दाखल झाला आहे. दरम्यान, याप्रकरणी सातारा अन्न व औषध विभागाने पोलिस ठाण्यात तक्रार दिली आहे. अरुण सखाराम गोडसे (सध्या रा. सातारा) यांनी कराड पोलिस ठाण्यात तक्रार दिली असून ते औषध निरीक्षक आहेत.
याबाबत अधिक माहिती अशी, दि. 23 डिसेंबर 2021 रोजी औषध निरीक्षक अरुण गोडसे यांना माहिती मिळाली की, कराड येथील गंगा मेडिसीन या शॉपीमध्ये बनावट आयुर्वेदिक औषधे विक्री केली जात आहेत. त्यानुसार गोडसे यांनी त्याच दिवशी संबंधित मेडिकल दुकानात जाऊन भेट दिली. यावेळी त्या मेडिकलमधील काही आयुर्वेदिक औषधांचे नमुने त्यांनी घेतले. औषधांचे हे नमुने ताब्यात घेऊन त्याच्या गुणवत्तेच्या पुढील तपासणीसाठी अन्न व औषध प्रशासन प्रयोगशाळा औरंगाबाद येथे ते नमुने पाठवले.
जप्त केलेल्या औषधांचा औरंगाबाद येथून अहवाल आल्यानंतर ते अप्रमाणित (बनावट) असल्याचे स्पष्ट झाले. अहवालानंतर तक्रारदार अरुण गोडसे यांनी गंगा मेडिसिन चालकाला औषधे व सौदर्यं प्रसाधने कायद्याअंतर्गत नोटीस पाठवून संबंधित औषधांच्या खरेदी-विक्रीचा तपशील सादर करण्याच्या सूचना केल्या. त्यानुसार अरविंद चव्हाण यांनी औैषधाबाबतची इनव्हाईस, जीएसटी बिले अशी कागदपत्रे अन्न व औषध विभागाला दिली. जीएसटी बिलांवरुन भेसळयुक्त असलेल्या औैषधांची कंपनी राजस्थान येथे असल्याचे गोडसे यांच्या लक्षात आले. त्यानुसार राजस्थान येथे जावून त्यांनी माहिती घेण्याचा प्रयत्न केला. मात्र संबंधित कंपनी बंद असल्याचे त्यांच्या निदर्शनास आले. यामुळे गोडसे यांनी सहाय्यक औषध नियंत्रक अजमेर, राजस्थान यांना मेल केला व माहिती पाठवण्याची विनंती केली. त्यांच्याकडून संबंधित आयुर्वेदिक उत्पादक कंपनीचे मालक नवीन कुमार बिर्ला असल्याचे स्पष्ट झाले.
अरुण गोडसे यांनी याबाबतचा अहवाल तयार केला. बिर्ला व चव्हाण यांच्यासह आणखी काही जणांचा यामध्ये सहभाग असून संबंधित सर्वजण आयुर्वेदिक औषधांमध्ये अॅलोपॅथिक औषधांची भेसळ करत आहेत. यामुळे जनतेला गंभीर ईजा होईल, असे वर्तन असल्याने त्यांच्याविरुध्द कराड पोलिस ठाण्यात गुरुवारी गुन्हा दाखल करण्यात आला.
औरंगाबाद येथे ते नमुने पाठवले. जप्त केलेल्या औषधांचा औरंगाबाद येथून अहवाल आल्यानंतर ते अप्रमाणित (बनावट) असल्याचे स्पष्ट झाले. अहवालानंतर तक्रारदार अरुण गोडसे यांनी गंगा मेडिसिन चालकाला औषधे व सौदर्यं प्रसाधने कायद्याअंतर्गत नोटीस पाठवून संबंधित औषधांच्या खरेदी-विक्रीचा तपशील सादर करण्याच्या सूचना केल्या. त्यानुसार अरविंद चव्हाण यांनी औैषधाबाबतची इनव्हाईस, जीएसटी बिले अशी कागदपत्रे अन्न व औषध विभागाला दिली. जीएसटी बिलांवरुन भेसळयुक्त असलेल्या औैषधांची कंपनी राजस्थान येथे असल्याचे गोडसे यांच्या लक्षात आले. त्यानुसार राजस्थान येथे जावून त्यांनी माहिती घेण्याचा प्रयत्न केला.
मात्र संबंधित कंपनी बंद असल्याचे त्यांच्या निदर्शनास आले. यामुळे गोडसे यांनी सहाय्यक औषध नियंत्रक अजमेर, राजस्थान यांना मेल केला व माहिती पाठवण्याची विनंती केली. त्यांच्याकडून संबंधित आयुर्वेदिक उत्पादक कंपनीचे मालक नवीन कुमार बिर्ला असल्याचे स्पष्ट झाले. अरुण गोडसे यांनी याबाबतचा अहवाल तयार केला. बिर्ला व चव्हाण यांच्यासह आणखी काही जणांचा यामध्ये सहभाग असून संबंधित सर्वजण आयुर्वेदिक औषधांमध्ये अॅलोपॅथिक औषधांची भेसळ करत आहेत. यामुळे जनतेला गंभीर ईजा होईल, असे वर्तन असल्याने त्यांच्याविरुध्द कराड पोलिस ठाण्यात गुरुवारी गुन्हा दाखल करण्यात आला.
पोलिसांच्या तपासाकडे जिल्ह्याचे लक्ष…
पोलिसांनी सर्व हकीकत, कागदपत्रे तपासून दोघांवर गुन्हा दाखल केला आहे. पोलिस पुढील तपास करत असून यामध्ये आणखी कोणाकोणाचा समावेश आहे? भेसळयुक्त आयुर्वेदिक औषधे आतापर्यंत किती विकली गेली? यामुळे कोणाला गंभीर दुखापत झाली आहे का? असे अनेक सवाल उपस्थित झाले आहेत. यामुळे पोलिसांच्या पुढील तपासाकडे आता लक्ष लागले आहे.
