How to shine tarnished copper utensils? Just do this, and they will look brand new in 5 minutes
पुढारी ऑनलाईन :
जर तुम्हीही तांब्याची भांडी वापरत असाल, तर ही माहिती तुमच्यासाठी खूप उपयोगी आहे. येथे काही सोप्या टिप्स दिलेल्या आहेत, ज्यांच्या मदतीने तुम्ही केवळ 5 मिनिटांत कोणतीही जास्त मेहनत न घेता तांब्याची भांडी स्वच्छ करू शकता.
तांब्याच्या भांड्यातील पाणी पिणे आरोग्यासाठी खूप फायदेशीर मानले जाते. ज्यांना पोटाशी संबंधित समस्या आहेत, वजन कमी करायचे आहे, त्वचा सुधारायची आहे किंवा रोगप्रतिकारक शक्ती वाढवायची आहे, त्यांच्यासाठी तांब्याची भांडी वापरणे अत्यंत फायदेशीर ठरते. पण ही भांडी वेळोवेळी स्वच्छ केली नाहीत, तर त्याचा तोटा देखील होऊ शकतो.
तांब्याची भांडी कशी स्वच्छ करावी?
तांब्याची भांडी अगदी नवीनसारखी चमकदार करण्यासाठी तुम्हाला फक्त या 4 गोष्टी लागतील:
1) गव्हाचे पीठ
2) हळद
3) लिंबू
4) मीठ
साफ करण्याची सोपी पद्धत :
एक वाटी घ्या आणि त्यात 2 ते 3 चमचे गव्हाचे पीठ घाला.
त्यात अर्धा चमचा हळद आणि थोडा लिंबाचा रस घालून पेस्ट तयार करा.
ही तयार पेस्ट भांड्याच्या आत आणि बाहेर दोन्हीकडे व्यवस्थित लावा.
5 ते 10 मिनिटांसाठी तसेच राहू द्या.
नंतर हाताने किंवा हलक्या घासण्याने भांडे चांगले घासा.
शेवटी थोडे मीठ शिंपडून पुन्हा हलक्या हाताने घासा. (भांड्यावर ओरखडे पडणार नाहीत याची काळजी घ्या.)
आता कोमट पाण्याने भांडे स्वच्छ धुवा.
असे केल्याने काळपट झालेले तांब्याचे भांडे पुन्हा स्वच्छ आणि चमकदार होईल.
आज बाजारात अनेक पावडर या तांब्यांच्या भांड्यांसाठी उपलब्ध आहेत. पण कोणत्याही रासायनिक पावडर किंवा लिक्विडचा वापर न करता घरगुती नैसर्गिक पद्धतींचा वापर करूनही जर भांडी स्वच्छ होणार असेल तर एकदा करून पहायला काहीच हारकत नाही.
