ताप, घसा खवखवणे, खोकला, अंगदुखी आणि थकवा यांसारखी लक्षणे पुन्हा एकदा दिसून येत आहेत.
फ्लूची लागण झाल्यावर खाण्यापिण्याचा विचार कदाचित मनातही येत नाही. परंतु, तुम्ही काय खाता, काय पिता आणि काय टाळता, या गोष्टी आजाराशी लढताना शरीराला मदत करू शकतात.
१. तळलेले आणि तेलकट पदार्थ
तापात पचनसंस्था कमकुवत झालेली असते. त्यामुळे समोसे, भजी किंवा तेलकट पदार्थ पचायला जड जातात आणि पोट बिघडू शकते.
२. अल्कोहोल (मद्यपान)
तापात आधीच शरीरातील पाणी कमी झालेले असते. अशा वेळी मद्यपान केल्यास डिहायड्रेशनचा त्रास अधिक वाढतो.
३. जास्त कॅफिन (कॉफी/एनर्जी ड्रिंक्स)
आजारपणात शरीराला पाण्याची गरज असते. जास्त प्रमाणात कॉफी किंवा एनर्जी ड्रिंक्स प्यायल्याने पोटाचा त्रास आणि डिहायड्रेशन होऊ शकते.
४. अति तिखट किंवा मसालेदार अन्न
तिखट खाल्ल्याने घशाचा दाह वाढू शकतो. तसेच मळमळ किंवा उलट्या होत असल्यास मसालेदार अन्न अजिबात खाऊ नका.
५. गोड आणि पॅकेज्ड पेये
आजारी असताना पॅक केलेले ज्यूस किंवा सॉफ्ट ड्रिंक्स पिणे टाळा. यामध्ये जास्त प्रमाणात साखर असते, जी प्रतिकारशक्तीवर वाईट परिणाम करते.
६. जड जेवण
आजारपणात भूक नसल्यास जबरदस्तीने जास्त जेवू नका. त्या ऐवजी हलका आहार घ्या.
