नवी दिल्ली : आरोग्यासाठी सुका मेवा नेहमीच लाभदायक ठरत असतो. विशेषतः हिवाळ्यात निरोगी राहण्यासाठी सुक्या मेव्याचा आहारात समावेश करणे गरजेचे आहे. रोज सुका मेवा खाल्ल्याने हृदय, मन व शरीर तंदुरुस्त राहते. सुका मेवा खाल्ल्याने वजन कमी तर होतेच; शिवाय रोगप्रतिकारक शक्तीही वाढते. त्यामध्येही अक्रोड आरोग्यासाठी अतिशय लाभदायक आहे, असे आहारतज्ज्ञ सांगतात. अक्रोडमध्ये जीवनसत्त्वे, खनिजे, फायबर व हेल्दी फॅटस् यासारखे अनेक पोषक घटक असतात जे मेंदूच्या आरोग्यासाठी, स्मरणशक्तीसाठी गुणकारी ठरतात.
अक्रोडमध्ये ओमेगा-3 फॅटी अॅसिड असते जे हृदय निरोगी ठेवण्यास मदत करते. अक्रोड हे लोह, फॉस्फरस, तांबे, प्रथिने, कॅल्शियम, मॅग्नेशियम व सेलेनियम यासारख्या पोषक घटकांचे भांडार आहे. अक्रोड हे मेंदूच्या कार्यक्षतेसाठी खूप फायदेशीर मानले जातात. अक्रोडमध्ये पोषक घटक मुबलक प्रमाणात असतात. त्यात प्रथिने, जीवनसत्त्वे तसेच लोह, कॅल्शियम, तांबे, फॉस्फरस, मॅग्नेशियम, ओमेगा -3 फॅटी अॅसिडसह इतर अनेक घटक असतात. हे सर्व घटक आपल्या शरीराला विविध रोगांशी लढण्यात मदत करतात आणि शरीराला त्याचा फायदा होतो. अक्रोडमध्ये भरपूर फायबर्स असतात.
त्यामुळे आपली पचनक्रिया निरोगी राहते. मधुमेहाच्या रुग्णांसाठी अक्रोड खाणे खूप फायदेशीर ठरू शकते. त्याच्या नियमित सेवनाने रक्तातील साखर नियंत्रणात राहते. अक्रोडमध्ये ओमेगा-3 फॅटी अॅसिड आणि अँटी-ऑक्सिडंटस् असतातण जे हृदयाला आजारांपासून दूर ठेवतात. अक्रोडमध्ये ओमेगा-3 फॅटी अॅसिड असते; जे शरीरातील खराब कोलेस्ट्रॉलची पातळी कमी करू शकते आणि त्यामुळे तुमचे वाढते वजन कमी होऊ शकते.अक्रोडात कॅल्शियम आणि मॅग्नेशियम भरपूर प्रमाणात असते. शरीरातील हाडे मजबूत करण्यासाठी हे खूप फायदेशीर आहे.अक्रोडमध्ये असलेले व्हिटॅमिन ई, ओमेगा-3 फॅटी अॅसिड आणि अँटीऑक्सिडंट्स यासारखे पोषक घटक तुमचा मेंदू निरोगी ठेवण्यास मदत करतात.
