नवी दिल्ली ः दुधी भोपळ्याची भाजी पौष्टिक आणि आरोग्यदायी असते, म्हणून आजारपणात ही भाजी दिली जाते. दुधी भोपळ्याच्या सेवनाने पोटात गॅस तयार होत नाही. कारण, यामध्ये फायबर, मॅग्नेशियम, मँगनीज, जस्त आणि व्हिटॅमिन सी सारखे अनेक पोषक घटक आढळतात. त्यात खूप कमी कॅलरीज आणि सॅच्युरेटेड फॅट असते. भोपळ्याच्या बियांमध्ये फायटोकेमिकल्स असतात. उन्हाळ्यातील सुपरफूड असलेली दुधी भोपळ्याची भाजी आरोग्यासाठी कशी फायदेशीर आहे, याबद्दल तज्ज्ञांकडून जाणून घेऊया..
दुधी भोपळ्यामध्ये अनेक प्रकारचे जीवनसत्त्वे, खनिजे आणि पाण्याचे प्रमाण भरपूर असते, ज्यामुळे ते शरीरातील पाण्याची कमतरता दूर करते. हे खाणे आरोग्यासाठी खूप फायदेशीर आहे, विशेषतः ही भाजी वजन कमी करण्यास आणि बद्धकोष्ठतेची समस्या दूर करण्यास खूप मदत करते. त्याचबरोबर कोलेस्टेरॉल कमी करण्यासाठी आणि उच्च रक्तदाब नियंत्रित करण्यासाठीदेखील फायदेशीर आहे. तुम्ही जर तुमच्या आहारात दुधी भोपळ्याच्या भाजीचा समावेश केल्यास किडनी निरोगी ठेवण्याबरोबरच तणाव कमी करण्यासदेखील मदत करू शकते. शिवाय, मधुमेही रुग्णांसाठीदेखील फायदेशीर आहे. उन्हाळ्यात दुधी भोपळा खाणे खूप फायदेशीर आहे; कारण याच्या सेवनाने शरीराचे तापमान नियंत्रित राहते. दुधी भोपळ्यात मोठ्या प्रमाणात पाणी असते, जे शरीराला थंड करते आणि डिहायड्रेशनसारख्या उष्णतेशी संबंधित समस्या टाळू शकते. शरीराला हायड्रेट ठेवण्याचा हा एक उत्तम मार्ग आहे. दुधी भोपळ्यामध्ये कॅलरीज कमी असतात आणि त्यात पाण्याचे प्रमाण जास्त असते, जे शरीराला हायड्रेट ठेवण्यास, तसेच वजन कमी करण्यास मदत करते. अशा परिस्थितीत, वजन कमी करू इच्छिणारे लोक त्यांच्या आहारात भोपळ्याचा समावेश करू शकतात. दुधी भोपळा खाणे मानसिक आरोग्यासाठीदेखील फायदेशीर ठरू शकते. यामध्ये असलेले व्हिटॅमिन बी आणि पोटॅशियम शरीराच्या मज्जासंस्थेचे संतुलन राखण्यास मदत करते.
