वॉशिंग्टन : शरीरात 'गुड कोलेस्टेरॉल' आणि 'बॅड कोलेस्टेरॉल' असते. त्यापैकी 'बॅड कोलेस्टेरॉल' हे हृदयविकार, स्ट्रोकसारख्या समस्या निर्माण करते. ते घटवण्यासाठी आहाराकडेही लक्ष देणे गरजेचे असते. तज्ज्ञांनी म्हटले आहे की वनस्पतीजन्य आहार हा अशा बॅड कोलेस्टेरॉलला घटवण्यासाठी उपयुक्त ठरतो.
नुकत्याच झालेल्या एका संशोधनातून असे दिसून आले आहे की बदाम, सोया, कडधान्ये आणि शेंगा यासह वनस्पतींवर आधारित आहार घेतला तर कॉलेस्टेरॉल कमी होण्यास मदत होते. तसेच वनस्पतीयुक्त आहार घेतल्याने उच्च रक्तदाब, ट्रायग्लिसरायडस् आणि जळजळ यासह हृदयविकाराचे अनेक धोके कमी होऊ शकतात. संशोधकांच्या मते, हा पॅटर्न पोर्टफोलिओ आहार म्हणून ओळखला जातो आणि तो 2,000 कॅलरी आहारावर आधारित आहे. वनस्पती-आधारित पदार्थांचे सेवन केल्याने कमी-घनतेचे लिपोप्रोटिन कॉलेस्टेरॉल 30 टक्क्यांनी कमी होते.
याशिवाय, संशोधकांना असे आढळून आले की, या आहाराच्या सेवनाने हृदयविकाराच्या झटक्याचा धोका कमी होतो. तसेच हृदयविकाराचा एकूण धोका 13 टक्क्यांनी कमी होतो. कॅनडातील टोरंटो विद्यापीठातील सहयोगी प्राध्यापक, सहायक लेखक जॉन सिव्हनपिपर म्हणाले, 'पोर्टफोलिओ आहारामुळे एलडीएल कॉलेस्टेरॉल कमी होते हे आम्हाला माहीत आहे, परंतु ते आणखी काय करू शकते याचे स्पष्ट चित्र आमच्याकडे नाही.
हा अभ्यास आहाराचे परिणाम आणि त्याच्या आरोग्याच्या संभाव्यतेबद्दल अधिक स्पष्टता आणि सत्यतेसह स्पष्ट करतो. जर्नल कार्डिओव्हस्कुलर डिसीजमध्ये प्रकाशित झालेल्या संशोधकांनी 400 रुग्णांसह सात नियंत्रित चाचण्यांचे विश्लेषण केले. जॉन सिव्हनपाइपर यांना आढळून आले की रक्तदाबाचा धोका दोन टक्के कमी झाला आणि जळजळ होण्याचा धोका 32 टक्के कमी झाला. संशोधकांनी सांगितले की, आहार आणि जीवनशैलीत बदल करून, रुग्णाला उच्च कोलेस्ट्रोल आणि हृदय आणि रक्तवाहिन्यासंबंधी रोगाचा धोका कमी करू शकतो.
