पिंपरी : पुढारी वृत्तसेवा
पुणे महानगर प्रदेश विकास प्राधिकरण सुनावणीस 16 हजार 257 जण उपस्थित राहिले. हे उपस्थितीचे प्रमाण 60 टक्के दिसून येत आहे. 15 जूनपर्यंत 13 नागरी विकसन केंद्रामधील 164 गावांमधील 27616 नागरिकांना सुनावणीसाठी बोलविण्यात आले होते. त्यापैकी 16257 नागरिक सुनावणीसाठी उपस्थित होते. सर्वसाधारणपणे 60 टक्के नागरिक सुनावणीकरिता उपस्थित राहत आहेत.
पुणे महानगर प्रदेशाची प्रारुप विकास योजना दि. 2 ऑगस्ट 2021 रोजीच्या सुचने अन्वये प्रसिध्द झाली असून, प्राप्त हरकती/सूचनांवर सुनावणी देणेसाठी महानगर नियोजन समिती गठीत करण्यात आलेली आहे.
सदर प्रारुप विकास योजनेवर प्राप्त हरकती / सूचनांच्या अनुषंगाने दि. 14 मार्च 2022 पासून 18 शहरी विकसन केंद्र, 8 ग्रामीण विकसन केंद्र व उर्वरित ग्रामीण भागातील गावांसाठी (एकूण 814 गावे) सुनावणी घेण्याचे कामकाज प्रगतीपथावर असून दि. 15 जून 2022 पर्यंत खालीलप्रमाणे नमूद 13 नागरी विकसन केंद्रामधील 164 गावांमधील 27616 नागरिकांना सुनावणीकरिता बोलविण्यात आले होते. त्यापैकी 16257 नागरिक सुनावणीसाठी उपस्थित होते.
सर्वसाधारणपणे 60% नागरिक सुनावणीकरिता उपस्थित राहत आहेत. सदर सुनावणी ही प्राधिकरणामार्फत सुनियोजित व व्यवस्थितरित्या पार पाडण्यात येत आहे.असे पी एम आर डी ए चे जनसंपर्क अधिकारी रामदास जगताप यांनी सांगितले.
विकसन केंद्राचे नाव एकूण अर्जांची संख्या सुनावणीकरिता उपस्थितांची संख्या टक्केवारी