Turkey Coal Mine Blast
Latest
Turkey Coal Mine Blast : तुर्कीत कोळसा खाणीत भीषण स्फोट; २२ जणांचा मृत्यू; तर १७ हून अधिक जखमी
पुढारी ऑनलाईन डेस्क : तुर्कीत काल शुक्रवारी (दि.१४) कोळसा खाणीत झालेल्या भीषण स्फोटात २२ जणांचा दुर्दैवी मृत्यू झाल्याची धक्कादायक घटना (Turkey Coal Mine Blast) घडली आहे. या भीषण अपघातात तर १७ हून अधिक गंभीर जखमी झाल्याची शक्यता वर्तवली जात आहे. मृतांचा आणि जखमींची संख्या वाढू शकते.
Turkey Coal Mine Blast : मृतांची आणि जखमींची संख्या वाढण्याची भीती
माहितीनूसार उत्तर तुर्कस्थानमधील बार्टिनच्या काळ्या समुद्र किनारी भागातील अमासरा शहरातील सरकारी टीटीके अमासरा मुसेसे मुदुरलुगु कोळसा खाणीत हा भीषण स्फोट झाला. यादरम्यान या कोळसा खाणीत ११० लोक होते. यापैकी २२ जणांचा मृत्यू झाला आहे. १७ हून अधिक लोक जखमी झाले आहेत. तर या १७ पैकी ८ जण गंभीर जखमी झाले आहेत. जखमीवर रुग्णालयात उपचार सुरु आहेत. आम्ही मदत व बचावकार्य सुरू केल्याची माहिती तुर्कीचे गृहमंत्री सुलेमान सोयलू यांनी दिली आहे. हा स्फोट नेमक कशामुळं झाला हे अद्याप समजलेलं नाही. पण कोळशाच्या खाणींमध्ये मिथेन स्फोटक मिश्रण तयार करणाऱ्या फायरडॅम्पमुळे हा स्फोट झाल्याचा अंदाज ऊर्जा मंत्री फातिह डोनमेझ यांनी वर्तवला जात आहे.
या भीषण स्फोटात २२ जणांचा मृत्यू झाल्याची माहिती तुर्कीचे आरोग्य मंत्री फहरेटिन कोका यांनी ट्विटरवर दिली आहे. तर तुर्कीची आपत्ती व्यवस्थापन संस्था एएफएडीने सांगितले की, ८ जणांची प्रकृती चिंताजनक आहे.
हेही वाचलंत का?
- आशिया चषक : सातव्या विजेतेपदासाठी भारतीय महिला सज्ज; श्रीलंकेविरुद्ध आज अंतिम सामना
- महाराष्ट्रात नद्याजोड प्रकल्पातून नंदनवन फुलेल! आप्पाचीवाडीतील भाकणुकीत नाथांचे भाकीत
- Nora Fatehi Dance : नोरा फतेहीचा सुमुद्र किनाऱ्यावरील नमकीन डान्स पाहून तुम्ही म्हणाल 'समंदर में नहाकर और भी…'
- NZ vs PAK : पाकिस्तानच्या घातक गोलंदाजीसमोर किवी घायाळ; फिलिप्सच्या बॅटचे झाले दोन तुकडे (Video)
- Shami Replace Bumrah : टी-२० विश्वचषकासाठी बुमराहच्या जागी मोहम्मद शमीला संधी; बीसीसीआयची घोषणा
