पुणे महापालिकेच्या वतीने दुतर्फा बाजूस पूर्वी 21 मीटर रुंद असलेल्या रस्त्याचे सध्या 42 मीटर रुंदीप्रमाणे जागा ताब्यात घेऊन रस्त्याचे काम करण्यात येणार आहे. यामध्ये साडेदहा मीटर सिमेंट काँक्रीटीकरण रस्ता, साडेचार मीटर सर्व्हिस रस्ता, फूटपाथ, सायकल ट्रॅक करण्यात येणार आहे. उद्यापासून लगेच रस्त्याच्या कामाला सुरुवात करण्यात येणार आहे. अडीच महिन्यांत दुतर्फा बाजूकडील रस्ता पूर्णत्वास नेण्यासाठी प्रयत्नशील असणार आहे.
– दिनकर गोजारे, कार्यकारी अभियंता
650 मीटर दुतर्फा बाजूकडील रस्ता करण्यासाठी येथील रस्त्याच्याकडेला अतिक्रमण केलेली जागा पुणे महापालिकेच्या ताब्यात आली आहे. महापालिकेच्या वतीने बाधित रहिवाशांना अन्य ठिकाणी पुनर्वसन करण्यात आले आहे.
– प्रतिभा पाटील, उपायुक्त भूसंपादन विभाग
गोपीचाळ येथील अनेक नागरिक मोठ्या संख्येने वास्तव्यास आहेत. महापालिकेच्या वतीने येथील नागरिकांसाठी सार्वजनिक सुलभ शौचालय जमीनदोस्त केल्याने येथील नागरिकांची मोठी गैरसोय होणार आहे. येथील अनेक वर्षांपूर्वीचे नागरिकांचे श्रद्धास्थान असलेले शंकराचे मंदिरही जमीनदोस्त केल्याने हळहळ व्यक्त होत आहे.
– स्थानिक, गोपीचाळ
काही बाधितांचे पुनर्वसन करण्यात आले आहे. मात्र, बाधित व्यावसायिक दुकानदारांचे काय? त्यांच्याही पुनर्वसनाचा महापालिकेने निर्णय करावा. वर्षानुवर्षे याठिकाणी ते व्यवसाय करीत आहेत. महापालिका काही बाधितांना तसेच रहिवाशी यांना 25 हजार रुपये देणार आहे. यामध्ये कसा काय यांचा उदरनिर्वाह होणार ?
– जीवन घोंगडे, अध्यक्ष, स्वाभिमानी रिपब्लिकन पक्ष
