महिलांनी साकारलेल्या या ‘नऊ’ ऐतिहासिक वास्तू माहित आहेत का? | पुढारी

महिलांनी साकारलेल्या या ‘नऊ’ ऐतिहासिक वास्तू माहित आहेत का?

इत्माद उद दौला कबर-आग्रा
हुमायूनची कबर, दिल्ली

 

Visual Portfolio, Posts & Image Gallery for WordPress
 Indian Monuments www.pudhari.news

कर्नाटकातील बागलकोट जिल्ह्यात विरूपाक्ष मंदिर आहे. हिंदू आणि जैन मंदिरांच्या संकुलातील पट्टाडकलमधील स्मारकांपैकी विरुपाक्ष मंदिर हे सर्वात मोठे आहे. भगवान शिवाला समर्पित हे मंदिर आहे. राणी लोकमहादेवी यांनी ८ व्या शतकात त्यांचे पती विक्रमादित्य दुसरा यांनी पल्लवांवर केलेल्या विजयाच्या स्मरणार्थ हे मंदिर बांधले होते.

आग्रा हे जगातील सात आश्चर्यांपैकी एक. मुघल सम्राट शाहजहानने त्याची पत्नी मुमताजच्या स्मरणार्थ आग्रा येथे ताजमहाल बांधला. पण आग्रा येथे आणखी काही स्मारके आहेत जी भेट देण्यासारखी आहेत, ते म्हणजे इत्माद उद दौलाची कबर. ही कबर १६२२-१६२८ च्या दरम्यान नूरजहाँने वडील मिर्झा घियास बेग यांच्या स्मरणार्थ बांधली.

गुजरात राज्यातील पाटण येथे वसलेली राणी की वाव ही मारू-गुजरा वास्तुशैलीचा एक सुंदर नमुना आहे. राणी की वाव ११ व्या शतकात राणी उदयमतीने सोळंकी घराण्यातील राजा भीम पहिला याच्या स्मरणार्थ बांधली होती.

काश्मीर खोऱ्यातील गुलमर्ग शहराच्या मध्यभागी असलेले मोहिनीश्वर शिवालय मंदिर प्रसिध्द आहे. डोगरा घराण्यातील राजे हरी सिंह यांच्या पत्नी मोहिनीबाई सिसोदिया यांनी १९१५ मध्ये हे मोहिनीश्वर शिवालय मंदिर बांधले. या मंदिराची रचना गुलमर्गच्या कानाकोपऱ्यातून हे मंदिर दिसेल अशा पद्धतीने केली आहे.

अनेक युद्धांचे साक्षीदार असलेली, वैविध्यपूर्ण बांधकाम असलेली ऐतिहासिक वास्तू मिरजन किल्ला हा गेर्सोपाची राणी चेन्नाभैरदेवी (भारताची मिरची राणी ) यांनी बांधले आहे. ही वास्तू कर्नाटकातील उत्तर कन्नड जिल्ह्यातील अघनाशिनी नदीच्या काठावर आपल्याला पाहायला मिळेल.

माहीम कॉजवे, मुंबई

सालसेट बेटाला माहीमशी जोडण्यासाठी १८४१-१८५६ या वर्षांत माहीम कॉजवे (मुंबई) बांधण्यात आला. महीम आणि वांद्रे फेरीतून जाताना अनेकांना जीव गमवावा लागला. बेटांमधला भाग दलदलीचा होता. यामूळे कॉजवेची गरज भासली. या प्रकल्पासाठी ब्रिटिश ईस्ट इंडिया कंपनीने निधी देण्यास नकार दिला होता. तेव्हा लेडी आवाबाई जमशेटजी जीजीभॉय पहिल्या बॅरोनेट सर जमशेटजी जीजीभॉय यांच्या पत्नी यांनी कॉजवे बांधण्यासाठी तब्बल १, ५७,००० ची देणगी दिली.

लाल दरवाजा मशीद, जौनपूर

संत सय्यद अली दाऊद कुतुबुद्दीन यांना समर्पित केलेली उत्तर प्रदेशातील जौनपूर शहराच्या बाहेरील भागात आहे. ही मशीद सुलतान महमूद शर्कीची राणी राजे बीबी यांनी १४४७ मध्ये बांधली होती. इमारतीच्या मुख्य दरवाजाचा दगड हा चुवार येथून मागवलेला होता.

इत्माद उद दौला कबर-आग्रा

भारतीय उपखंडातील पहिली बाग कबर म्हणजे दिल्लीतील मुघल सम्राट हुमायूनची कबर. १५५६ मध्ये मुघल सम्राट हुमायूनच्या निधनानंतर हमीदा बानो बेगम यांनी १५६९ मध्ये समाधी बांधली. या समाधीची रचना मीराक नावाच्या पर्शियन आर्किटेक्टने केली आहे.

खैर अल-मनाझील

मुघल स्थापत्यकलेचा नमूना असलेली, नवी दिल्ली येथील स्थित खैर अल-मनाझील ही ऐतिहासिक मशीद १५६१ मध्ये सम्राट अकबराच्या ओल्या परिचारिका आणि त्याच्या दरबारातील एक प्रभावशाली स्त्री, महाम अंगाने बांधली होती.मशीद ही दुमजली आहे. या वास्तूचे एक वैशिषट्य म्हणजे या मशिदेचे प्रवेशद्वार हे लाल वाळूचा दगड वापरून बांधण्यात आले आहे.

 

आणखी पहा

Visual Portfolio, Posts & Image Gallery for WordPress
Load More Loading More… You’ve reached the end of the list

 

 

Back to top button