देवमाणूस फेम कोल्हापूरची सोनाली पाटील नेमबाजीतही अव्वल | पुढारी

देवमाणूस फेम कोल्हापूरची सोनाली पाटील नेमबाजीतही अव्वल

 

 

 

Visual Portfolio, Posts & Image Gallery for WordPress

वैजू नंबर १ द्वारे महाराष्ट्राच्या घराघरात पोहोचलेली वैजयंती म्हणजेच आपली लाडकी सोनाली पाटील.

सध्या बिग बॉस मराठीच्या तिसऱ्या पर्वात तुफान कल्ला करत आहे.

बिग बॉस मराठीच्या घरातील तिचा वावर आणि खेळातील सहभाग पाहता तिने अल्पावधीतच लोकांच्या मनात आपले स्थान निश्चित केले.

सोनाली खऱ्या आयुष्यात एक खेळाडू असून, राज्यपातळीवरील नेमबाजी स्पर्धेत तिने यशस्वी कामगिरी देखील केली आहे.

सोनाली जर अभिनेत्री झाली नसती. तर नक्कीच एक यशस्वी नेमबाज बनली असती असे तिचे निकटवर्तीय सांगतात.

उत्कृष्ट नेमबाज होण्यासाठी सोनालीने खूप संघर्ष केला आहे.

कोल्हापूरमधील गोंडोली गावातील शेतकरी कुटुंबात वाढलेल्या सोनालीला नेमबाजीच्या सरावासाठी पिस्तूलची आवश्यकता होती.

मात्र, घरची परिस्थिती बेताची असल्या कारणामुळे पिस्तूल खरेदी करणे शक्य नव्हते.

तसेच ज्या ट्रेनिंग सेंटरमध्ये ती नेमबाजीचा सराव करत होती, तिथे देखील तिला पिस्तूल चालवण्यासाठी अतिरिक्त वेळ उपलब्ध होत नव्हता.

नेमबाजीमध्ये सर्वप्रथम पिस्तूलचे वजन हाताळता येणं गरजेचं असतं.

कारण पिस्तूलचे वजन १ कि.ग्रॅम हून अधिक असल्यामुळे, पिस्तूल चालवताना त्याचा हातासोबत समतोल आवश्यक असतो.

सोनालीला हे चांगलेच ठाऊक होते. त्यामुळे पिस्तूलच्या वजनाचा दगड हातात धरून ठेवत, तिने आपली होल्डिंग केपेसिटी वाढवली.

ज्यामुळे ट्रेनिंगदरम्यान सोनालीला अगदी चपखलपणे पिस्तूल घेऊन इतरांच्या तुलनेत अधिक पेलेट मारणे शक्य झाले.

पूर्वतयारी आणि योग्य अंमलबजावणीच्या जोरावर आपण अशक्य वाटणाऱ्या गोष्टी शक्य करू शकतो, हे सोनालीने याद्वारे सिद्ध करून दाखवले आहे.

प्रतिकूल परिस्थितीमधून योग्य मार्ग काढून लक्ष्य साधता येते.

सोनालीची हीच जिद्द आणि चिकाटी पुढे तिला यशस्वी अभिनेत्री बनण्यापर्यंत घेऊन गेली.

आता ती बिग बॉसच्या घरात देखील अनेक प्रतिकूल परिस्थतीचा सामना केलाय.

पाहा तिचे आणखी काही फोटो-
 

आणखी पहा

Visual Portfolio, Posts & Image Gallery for WordPress
Load More Loading More… You’ve reached the end of the list

 

 

Back to top button