अनिल कपूरसोबत १३ चित्रपट मोठ्या पडद्यावर श्रीदेवीची जोडी अनिल कपूरसोबत जमली. ही जोडी प्रेक्षकांच्या पसंतीस उतरली. या दोघांनी जवळपास १३ चित्रपटांमध्ये एकत्र काम केले होते. मिस्टर इंडिया, लम्हे, जुदाई, लाडला, हीर रांझा, मिस्टर बेचारा, रूप की रानी चोरों का राजा, राम अवतार, जांबाज, कर्मा यासारख्या चित्रपटांमध्ये ही जोडी दिसली.
ऋषी कपूरसोबत अनेक चित्रपट हिंदी चित्रपटांमध्ये इच्छाधारी नाग नागिन वर अनेक चित्रपट आले. श्रीदेवीने ऋषी कपूरसोबत नगीना चित्रपट केला. हा त्यांचा पहिला चित्रपट होता. याशिवाय, कौन सच्चा कौन झूठा, बंजारन, चांदनी, गुरुदेव, गर्जना हे चित्रपट दोघांच्या नावावर आहेत.
मिथुन चक्रवर्तीसोबत चर्चा श्रीदेवीची चर्चा मिथुन चक्रवर्तीसोबत प्रेमप्रकरणावरून झाली होती. मिथुन-श्रीदेवी यांची भेट पहिल्यांदा १९८४ मध्ये आलेला चित्रपट 'जाग उठा इंसान'वेळी झाली होती. मिथुन-श्रीदेवीने चार चित्रपट केले. यामध्ये वक्त की आवाज, गुरु, वतन के रखवाले आणि जाग उठा इंसान या चित्रपटांचा समावेश आहे.
अनेकदा नाकारले अमिताभ बच्चन यांचे चित्रपट श्रीदेवी त्या काळात टॉपची अभिनेत्री होती. तर दुसरीकडे अमिताभ बच्चनदेखील मोठे अभिनेते होते. दोघांनी इंकलाब, आखरी रास्ता आणि खुदा गवाहमध्ये एकत्र काम केलं आहे. या चित्रपटांनंतर श्रीदेवीने बच्चन यांच्यासोबत चित्रपटांमध्ये काम करण्यास नकार दिला होता.
