आयपीएल 2025 चा विजेता संघ रॉयल चॅलेंजर्स बेंगळुरू नवीन मालकाच्या हाती जाऊ शकतो. खरं तर, सूत्रांनी दिलेल्या माहितीनुसार, संघाची मालकी कंपनी डियाजियो पीएलसी इंडियन प्रीमियर लीग (आयपीएल) मधील रॉयल चॅलेंजर्स बेंगळुरू (आरसीबी) क्रिकेट संघातील आपला हिस्सा विकण्याचा विचार करत आहे. ब्लूमबर्गच्या अहवालामुळे क्रिकेट वर्तुळात खळबळ उडाली आहे.
आयपीएल 2025 चा विजेता संघ रॉयल चॅलेंजर्स बेंगळुरू नवीन मालकाच्या हाती जाऊ शकतो. खरं तर, सूत्रांनी दिलेल्या माहितीनुसार, संघाची मालकी कंपनी डियाजियो पीएलसी इंडियन प्रीमियर लीग (आयपीएल) मधील रॉयल चॅलेंजर्स बेंगळुरू (आरसीबी) क्रिकेट संघातील आपला हिस्सा विकण्याचा विचार करत आहे. ब्लूमबर्गच्या अहवालामुळे क्रिकेट वर्तुळात खळबळ उडाली आहे.
इंडियन प्रीमियर लीग (आयपीएल) ही भारताचे क्रिकेटची नवी ओळख आहे. ही स्पर्धा नाही, तर ग्लॅमर, पैसा आणि आवड यांचा एक अनोखा संगम आहे. दरवर्षी ही लीग कोट्यवधी हृदयांची धडकन बनते. खेळाडूंना एका रात्रीत स्टार बनवते आणि फ्रँचायझींना अब्जावधींचा महसूल मिळवून देते. अशा परिस्थितीत, आयपीएलचे पहिले-वहिले विजेतेपद जिंकून इतिहास रचणा-या आरसीबीच्या भविष्याबद्दल एक धक्कादायक बातमी समोर आल्याने संपूर्ण क्रिकेट जगतात भूकंप झाला आहे.
ब्लूमबर्गच्या अहवालाने या खेळाच्या व्यावसायिक वर्तुळात खळबळ उडवून दिली आहे. ब्रिटनची दिग्गज मद्य कंपनी डियाजिओ पीएलसी आपल्या आयपीएल फ्रँचायझी रॉयल चॅलेंजर्स बेंगळूरमधील आपल्या हिश्श्याचा काही भाग किंवा संपूर्ण हिस्सा विकण्याचा विचार करत आहे. ही बातमी केवळ आरसीबीच्या चाहत्यांसाठीच नाही, तर संपूर्ण क्रीडा उद्योगासाठी धक्कादायक आहे, कारण ती अशा वेळी येत आहे जेव्हा संघ यशाच्या शिखरावर आहे. अखेर काय कारण आहे की एक दिग्गज कंपनी आपली सर्वात चमकणारी मालमत्ता विकण्याच्या तयारीत आहे?
युनायटेड स्पिरिट्स लिमिटेडची एक प्रमुख भागीदार असलेल्या डियाजिओ पीएलसीची आरसीबीमध्ये मोठी भागीदारी आहे. ब्लूमबर्गच्या म्हणण्यानुसार, कंपनी संभाव्य सल्लागारांशी प्राथमिक चर्चा करत आहे. तथापि अद्याप कोणताही अंतिम निर्णय झालेला नाही. हा संभाव्य करार, जर पूर्ण झाला, तर आरसीबीचे मूल्य 17,000 कोटी रुपये, म्हणजेच २ अब्ज डॉलर्सपर्यंत पोहोचवू शकतो. यासह ही फ्रँचायझी क्रीडा जगतातील सर्वात महागड्या मालमत्तांपैकी एक बनेल.
दरम्यान, डियाजिओ आणि युनायटेड स्पिरिट्स यांनी या अशा संभाव्य व्यवहाराबाबत कोणतेही सार्वजनिक विधान जारी केलेले नाही, ज्यामुळे अफवांचा बाजार आणखी गरम झाला आहे.
या चर्चेमागे अनेक गुंतागुंतीची कारणे आहेत, जी केवळ व्यावसायिकच नाहीत, तर नियामक आणि सामाजिक दबावांशीही संबंधित आहेत. भारताचे आरोग्य मंत्रालय आयपीएलमध्ये तंबाखू आणि अल्कोहोल ब्रँडच्या जाहिरातींवर बंदी घालण्याचा प्रयत्न करत असताना ही चर्चा होत आहे. आरोग्य मंत्रालय क्रीडा क्षेत्रातील व्यक्तींना अप्रत्यक्षपणे इतर अस्वास्थ्यकर उत्पादनांचा प्रचार करण्यापासून रोखायचे आहे. आरोग्य मंत्रालय आयपीएलमध्ये तंबाखू आणि मद्य ब्रँडच्या प्रत्यक्ष किंवा अप्रत्यक्ष प्रचारावर कठोर निर्बंध लादण्यावर भर देत आहे. यासोबतच, क्रीडा क्षेत्रातील प्रसिद्ध व्यक्तींकडून अशा ‘अस्वास्थ्यकर उत्पादनांच्या’ अप्रत्यक्ष प्रचाराला रोखण्याच्याही नियमावली आखली जात आहे.
भारतात मद्य आणि तंबाखू उत्पादनांची थेट जाहिरात प्रतिबंधित आहे. परंतु डियाजिओसारख्या कंपन्यांनी या नियमांमधून पळवाट काढण्यासाठी ‘सरोगेट जाहिरातींचा’ (surrogate advertising) आधार घेतला आहे. ज्यासाठी ते विराट कोहलीसारख्या अव्वल क्रिकेटपटूंचा वापर करतात.
