T20 World Cup PAK vs NED
कोलंबो : टी-२० विश्वचषक स्पर्धेच्या पहिल्याच सामन्यात आज (दि. ७) पाकिस्तान संघ थोडक्यात बचावला. पराभवाचे पराभवाच्या छायेत असलेल्या पाकिस्तानला १९ व्या ओव्हरने सावरले आणि संभाव्य उलटफेर टळला. १४८ धावांच्या लक्ष्याचा पाठलाग करताना पाकिस्तानची अवस्था १८ व्या षटकापर्यंत ७ बाद ११९ अशी बिकट झाली होती, मात्र अखेरच्या क्षणी यश मिळाले अन्यथा पहिल्याच सामन्यात संघात पराभवाला सामोर जावे लागले असते.
प्रथम फलंदाजी करताना नेदरलँडचा संघ १९.५ षटकांत १४७ धावांत गारद झाला. एकेकाळी त्यांची स्थिती ३ बाद १०५ अशी भक्कम होती, मात्र पुढच्या ४२ धावांत त्यांनी उरलेले ७ गडी गमावले.मॅक्स ओडॉड (५) स्वस्तात बाद झाला.मायकल लेविट (२४) याला बाबर आझम आणि शाहीन आफ्रिदीच्या उत्कृष्ट ताळमेळाने सीमारेषेवर झेलबाद केले.कर्णधार स्कॉट एडवर्ड्सने सर्वाधिक ३७ धावा (२९ चेंडू) केल्या. पाकिस्तानकडून सलमान मिर्झा आणि अबरार अहमद यांनी भेदक गोलंदाजी करत नेदरलँडला मोठी धावसंख्या उभारण्यापासून रोखले.
विश्वचषक स्पर्धेच्या पहिल्याच सामन्यात पाकिस्तानची सुरुवातही खराब झाली. सॅम अयुब (२४) आणि कर्णधार सलमान आगा (१२ धावांवर तंबूत परतले. फरहानने ३१ चेंडूत ४ चौकार आणि २ षटकारांच्या मदतीने ४७ धावांची महत्त्वाची खेळी केली. पाठोपाठ उस्मान खान (०), बाबर आझम (१५), मोहम्मद नवाज (६) आणि शादाब खान (८) बाद झाल्याने पाकिस्तानचा संघ अडचणीत सापडला होता.
१८ व्या षटकापर्यंत नेदरलँडचे पारडे जड होते, मात्र फहीम अशरफला मिळालेल्या जीवदानाचा फायदा घेत पाकिस्तानने १९ व्या षटकात सामना खिशात घातला.
