Litton Das world record : लिटन दासचा विश्वविक्रम; एकाच कसोटी डावात तब्‍बल ८ जणांना धाडले तंबूत

पाच यष्टीरक्षकांच्या नावावर असलेला संयुक्त विक्रम टाकला मागे
Litton Das world record : लिटन दासचा विश्वविक्रम; एकाच कसोटी डावात तब्‍बल ८ जणांना धाडले तंबूत
Published on: 
Updated on: 

Litton Das world record Test match : बांगलादेशचा यष्टीरक्षक-फलंदाज लिटन दासने कसोटी क्रिकेटच्या एका डावात सर्वाधिक ८ फलंदाजांना तंबूत धाडण्याचा नवा विश्वविक्रम प्रस्थापित केला आहे. जोहान्सबर्ग येथे सुरू असलेल्या कसोटी सामन्यात बुधवारी दक्षिण आफ्रिकेच्या कागिसो रबाडाला यष्टीचीत करत त्याने हा पराक्रम केला.

पाच यष्टीरक्षकांच्या नावावर असलेला संयुक्त विक्रम टाकला मागे

लिटन दास याच्‍या विक्रमापूर्वी पाच यष्टीरक्षकांच्या नावावर असलेला संयुक्त विक्रमही त्‍याने मागे टाकला. वसीम बारी, बॉब टेलर, इयान स्मिथ, रिडली जेकब्स आणि जोशुआ डा सिल्वा या सर्वजणांनी मिळून एका कसोटी डावात प्रत्येकी ७-७ बाद करण्याचा विक्रम केला होता. विशेष म्हणजे, जोशुआ डा सिल्वाने २०२३ मध्ये ही कामगिरी केली होती.

Litton Das world record : लिटन दासचा विश्वविक्रम; एकाच कसोटी डावात तब्‍बल ८ जणांना धाडले तंबूत
Kapil Dev : "तो विनोद कांबळीसारखा गायब न व्हावा..." : वैभव सूर्यवंशीबाबत माजी क्रिकेटपटू कपिल देव नेमकं काय म्हणाले?

दोन्ही विक्रमही जोहान्सबर्गच्या मैदानावरच

बांगलादेशच्या पहिल्या डावात शानदार शतक झळकावतानाच ८ यष्टीचीत करून लिटनने अशा खास एलिट क्लबमध्ये आपले नाव कोरले आहे. यापूर्वी डेनिस लिंडसे (१९६६) आणि एबी डिव्हिलियर्स (२०१३) यांनी एका कसोटी डावात शतक आणि प्रत्येकी ६ यष्‍टीचीत करण्याची कामगिरी केली होती. योगायोग म्हणजे, हे दोन्ही विक्रमही जोहान्सबर्गच्या मैदानावरच नोंदवले गेले होते.

Litton Das world record : लिटन दासचा विश्वविक्रम; एकाच कसोटी डावात तब्‍बल ८ जणांना धाडले तंबूत
Sunil Gavaskar : "टीम इंडियाने त्‍याचा पर्याय शोधणे...." : हार्दिक पांड्याबाबत सुनील गावस्‍कर नेमकं काय म्‍हणाले?

६ झेल, दोन यष्टीचीत

तिसऱ्या दिवसाचा खेळ संपला तेव्हा लिटनने ६ झेल टिपले होते. यामध्ये एडन मार्करम, झुबैर हमजा, मायकेल ब्रीट्झके, वियान मुल्डर, मार्को यानसन आणि सायमन हार्मर यांच्या नावांचा समावेश होता. त्यानंतर चौथ्या दिवशी त्याने रयान रिकेलटन आणि कागिसो रबाडा यांना यष्टीचीत केले. या सामन्यात फलंदाजी करताना त्याने १४ चौकार आणि १ षटकाराच्या मदतीने १७९ चेंडूंमध्ये १२० धावांची खेळी केली. यामध्ये तौहीद हृदोयसोबत झालेली ६ व्या विकेटसाठीची २०६ धावांची महत्त्वपूर्ण भागीदारीही समाविष्ट होती. या खेळाच्या बळावर बांगलादेशने दक्षिण आफ्रिकेविरुद्ध कसोटीतील आपली सर्वोच्च धावसंख्या म्हणजेच ४०० धावांचा टप्पा गाठला.

Litton Das world record : लिटन दासचा विश्वविक्रम; एकाच कसोटी डावात तब्‍बल ८ जणांना धाडले तंबूत
kapil dev : ‘इतर खेळाडूंनाही यातून प्रेरणा मिळेल’; भुवनेश्वर कुमारच्या पुनरागमनावर कपिल देव नेमकं काय म्हणाले?

गेल्या महिन्यात एका सामन्यातही लक्षवेधी कामगिरी

गेल्या महिन्यात अफगाणिस्तानविरुद्धच्या संपूर्ण कसोटी सामन्यात लिटनने एकूण ९ बळी टिपले होते. तसेच याच सामन्यात त्याने एका डावात शतक तर दुसऱ्या डावात अर्धशतक झळकावण्याची कामगिरी केली होती. कसोटी सामन्यात अशी कामगिरी करणारा तो जगातील पहिलाच यष्टीरक्षक ठरला होता. या अष्टपैलू कामगिरीसाठी लिटनला 'सामनावीर' (प्लेअर ऑफ द मॅच) म्हणून गौरवण्यात आले होते.

Litton Das world record : लिटन दासचा विश्वविक्रम; एकाच कसोटी डावात तब्‍बल ८ जणांना धाडले तंबूत
Sunil Gavaskar : "हे खेळ भावनेच्या विरोधात..." ; वेस्ट इंडिजच्या खेळाडूंवर सुनील गावस्‍कर का संतापले?

बांगलादेशने उभारला धावांचा डोंगर

१५ नोव्हेंबरपासून सुरू झालेल्या या सामन्यात बांगलादेशने नाणेफेक जिंकून प्रथम फलंदाजी करण्याचा निर्णय घेतला. लिटन दाससह अन्य फलंदाजांनी हा निर्णय सार्थ ठरवत पहिल्या डावात १०१.२ षटकांत ४०० धावांचा डोंगर उभा केला. याला प्रत्युत्तर देताना दक्षिण आफ्रिकेनेही जोरदार कमबॅक केले. लिटन दासची चमकदार कामगिरी आणि विश्वविक्रमाची नोंद होऊनही दक्षिण आफ्रिकेने पहिल्या डावात ५५७ धावांची महाविशाल धावसंख्या उभारली आणि आघाडी घेतली. या सामन्यात ताज्या माहितीनुसार बांगलादेशने आपल्या दुसऱ्या डावात ५ गडी गमावून ८७ धावा केल्या असून, सध्या सामना दक्षिण आफ्रिकेच्या बाजूने झुकल्याचे दिसत आहे.

लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.