केएल राहुलने खेळलेल्या झुंजार शतकी खेळीच्या जोरावर भारताने न्यूझीलंडविरुद्ध सन्मानजनक धावसंख्या उभारली. राजकोटमधील मागील चारही सामन्यांचा इतिहास पाहता, प्रथम फलंदाजी करणाऱ्या संघानेच विजय मिळवला आहे, त्यामुळे राहुलच्या या खेळीला मोठे महत्त्व प्राप्त झाले आहे.
न्यूझीलंडने नाणेफेक जिंकून प्रथम गोलंदाजीचा निर्णय घेतला. काईल जेमीसनने सुरुवातीला सलग दोन मेडन ओव्हर्स टाकून दबाव निर्माण केला होता, मात्र रोहित शर्मा आणि शुभमन गिलने सावध पवित्रा घेत नंतर फटकेबाजी सुरू केली. पहिल्या पॉवरप्लेअखेर भारताने एकही गडी न गमावता ५७ धावा केल्या होत्या. कर्णधार रोहित मोठी खेळी करू शकला नाही, मात्र शुभमन गिलने अवघ्या ४७ चेंडूत अर्धशतक झळकावून भारताला मजबूत स्थितीत नेले होते.
सामना भारताच्या बाजूने झुकलेला असतानाच जेमीसनने गिलला बाद करून न्यूझीलंडला पुनरागमन करून दिले. त्यानंतर खेळपट्टी काहीशी संथ झाली आणि किवी गोलंदाजांनी अचूक मारा केला. सलग १० षटकात एकही चौकार आला नाही आणि भारताची स्थिती १ बाद ९९ वरून ४ बाद ११८ अशी झाली. गिल, श्रेयस अय्यर आणि विराट कोहली स्वस्तात बाद झाल्याने भारतीय संघ अडचणीत सापडला होता.
संकटाच्या वेळी के.एल. राहुल आणि स्थानिक खेळाडू रवींद्र जडेजा यांनी सातत्यपूर्ण फलंदाजी करत डावाला आकार दिला. या जोडीने पाचव्या विकेटसाठी अत्यंत महत्त्वाच्या ७३ धावांची भागीदारी केली. मात्र, ब्रेसवेलने स्वतःच्याच गोलंदाजीवर जडेजाचा अप्रतिम झेल घेत ही जोडी फोडली.
जडेजा बाद झाल्यानंतरही राहुल डगमगला नाही. त्याने दुसऱ्या ड्रिंक्स ब्रेकनंतर आक्रमक पवित्रा घेतला. एका बाजूने विकेट पडत असताना त्याने स्ट्राईक आपल्याकडे ठेवली आणि आपल्या एकदिवसीय कारकिर्दीतील ८ वे शानदार शतक पूर्ण केले. न्यूझीलंडच्या फिरकीपटूंनी धावांवर नियंत्रण ठेवले असले, तरी वेगवान गोलंदाज शेवटच्या षटकांत महागडे ठरले.
आता भारताच्या या आव्हानाचा न्यूझीलंडचा संघ कसा सामना करतो, हे पाहणे औत्सुक्याचे ठरेल.
न्यूझीलंडविरुद्धच्या दुसऱ्या एकदिवसीय सामन्यात केएल राहुलने केवळ संकटमोचकाची भूमिकाच निभावली नाही, तर अनेक खास विक्रमांना गवसणी घातली आहे. राहुलच्या या ८ व्या एकदिवसीय शतकाने त्याच्या अष्टपैलू क्षमतेवर पुन्हा एकदा शिक्कामोर्तब केले आहे.
राहुलच्या शतकाची खास वैशिष्ट्ये
८ वे आंतरराष्ट्रीय शतक : राहुलने आपल्या एकदिवसीय कारकिर्दीतील ८ वे शतक पूर्ण केले.
किवींविरुद्ध वर्चस्व : न्यूझीलंडविरुद्धचे हे त्याचे दुसरे शतक ठरले आहे.
फिनिशरची भूमिका : पाचव्या किंवा त्यापेक्षा खालच्या क्रमांकावर फलंदाजीला येऊन राहुलने झळकावलेले हे तिसरे शतक आहे, जे त्याच्या मधल्या फळीतील मजबुतीचा पुरावा देते.
यष्टीरक्षक-फलंदाज म्हणून यश : यष्टीरक्षणाची जबाबदारी सांभाळत असताना त्याने ठोकलेले हे तिसरे शतक आहे.
संकटात सापडलेल्या भारतीय संघाला सावरत केएल राहुलने न्यूझीलंडविरुद्धच्या सामन्यात आपले ८ वे आंतरराष्ट्रीय एकदिवसीय शतक साजरे केले आहे. एका बाजूने पडझड सुरू असताना राहुलने अत्यंत संयमी आणि शेवटच्या टप्प्यात आक्रमक फलंदाजी करत शतकाला गवसणी घातली.
डावाच्या उत्तरार्धात काईल जेमीसनने टाकलेला 'फुल टॉस' चेंडू राहुलने समोरच्या दिशेला भिरकावून दिला. त्याने आपला पुढचा पाय बाजूला सरकवत लॉंग-ऑनच्या वरून एक शानदार षटकार ठोकला आणि आपले शतक पूर्ण केले.
शतक पूर्ण होताच राहुलने आपले हेल्मेट काढले आणि बॅट उंचावून प्रेक्षकांना अभिवादन केले. चेहऱ्यावर एक निवांत स्मितहास्य आणि आत्मविश्वासासह त्याने आपल्या या खेळीचा आनंद साजरा केला.
डावाच्या शेवटच्या षटकांत वेगाने धावा वाढवण्याच्या प्रयत्नात भारताचा हर्षित राणा माघारी परतला आहे. न्यूझीलंडच्या जयडन लेनॉक्सने हर्षितला बाद करून आपल्या एकदिवसीय कारकिर्दीतील पहिला बळी मिळवला.
डावाच्या ४७.२ व्या षटकात लेनॉक्सने हवेत चेंडू 'फ्लाईट' देऊन टाकला. हर्षितने जागेवरून हलत समोरच्या दिशेला मोठा फटका मारण्याचा प्रयत्न केला, मात्र चेंडू बॅटवर नीट आला नाही. लॉग-ऑफवरून धावत आलेल्या मायकल ब्रेसवेलने कठीण वाटणारा झेल अत्यंत सहजतेने टिपला आणि हर्षितची २ धावांची खेळी संपवली.
हर्षित राणा: २ धावा (४ चेंडू).
डावाच्या शेवटच्या षटकांमध्ये वेगाने धावा करण्याच्या प्रयत्नात युवा फलंदाज नितीश रेड्डी बाद झाला आहे. झॅक फोल्क्सने त्याला बाद करून भारताची सहावी विकेट मिळवली.
डावाच्या ४६.२ व्या षटकात फोल्क्सने ११४.८ किमी/तास वेगाचा एक 'ऑफ-कटर' चेंडू उसळता टाकला. खांद्यापर्यंत आलेल्या या चेंडूवर नितीशने मोठा षटकार मारण्याचा प्रयत्न केला. मात्र, चेंडू बॅटच्या वरच्या कडेला लागून हवेत उडाला आणि डीप मिडविकेटला असलेल्या ग्लेन फिलिप्सने कोणतीही चूक न करता सोपा झेल टिपला.
नितीश रेड्डी: २० धावा (२१ चेंडू).
एका बाजूने ठराविक अंतराने विकेट्स पडत असताना केएल राहुलने खंबीर फलंदाजी करत आपले महत्त्वपूर्ण अर्धशतक पूर्ण केले. भारतीय डावाची सर्व सूत्रे आपल्या हाती घेत राहुलने संघाला आव्हानात्मक धावसंख्येपर्यंत नेण्याची जबाबदारी स्वीकारली.
डावाच्या ३९.५ व्या षटकात काईल जेमीसनने टाकलेल्या 'क्रॉस-सीम' फुल लेंथ चेंडूवर राहुलने कव्हर ड्राईव्ह मारण्याचा प्रयत्न केला. चेंडू बॅटची बाहेरील कडा घेऊन 'शॉर्ट थर्ड मॅन' फिल्डरच्या हाताला चकवून सीमापार गेला आणि राहुलने ५० धावांचा टप्पा ओलांडला.
आपल्या घरच्या मैदानावर खेळणाऱ्या रवींद्र जडेजाला मोठी खेळी करण्यात अपयशी ठरवून न्यूझीलंडचा कर्णधार मायकल ब्रेसवेलने भारताला मोठा धक्का दिला. जडेजाने २७ धावा केल्या. त्याच्या विकेटमुळे राजकोटच्या मैदानावर पुन्हा एकदा शांतता पसरली.
डावाच्या ३८.१ व्या षटकात कर्णधार ब्रेसवेल स्वतः गोलंदाजीला आला आणि त्याने पहिल्याच चेंडूवर यश मिळवले. त्याने टाकलेला चेंडू थोडा 'फ्लाईटेड' आणि संथ होता, जो खेळपट्टीवर काहीसा रेंगाळला. जडेजाने बॅकफूटला जाऊन फटका मारण्याचा प्रयत्न केला, पण चेंडू त्याच्या बॅटवर नीट आला नाही. ब्रेसवेलने आपल्या डाव्या बाजूला सूर मारत स्वतःच्याच गोलंदाजीवर एक उत्कृष्ट झेल टिपला.
रवींद्र जडेजा: २७ धावा (४४ चेंडू, १ चौकार).
राहुल सध्या जबरदस्त फॉर्ममध्ये दिसत आहे. भारतीय संघाने ४ बाद १९१ धावा केल्या असून राहुल आता आपल्या अर्धशतकाच्या उंबरठ्यावर (४६*) पोहोचला आहे.
डावाच्या उत्तरार्धात राहुलने काईल जेमीसनच्या चेंडूवर मारलेला 'कव्हर ड्राईव्ह' हा आजच्या दिवसातील सर्वोत्तम फटका ठरला. जेमीसनने ऑफ-स्टंपच्या किंचित बाहेर टाकलेल्या चेंडूचा अंदाज घेत राहुलने मिड-ऑफ आणि एक्स्ट्रा-कव्हरच्या मधून चेंडू सीमापार धाडला. त्याच्या या फटक्यामध्ये टायमिंग आणि प्लेसमेंटचा अद्भूत संगम पाहायला मिळाला.
सुरुवातीच्या पडझडीनंतर केएल राहुल आणि रवींद्र जडेजा या जोडीने भारतीय डावाला आकार दिला. या दोघांनी पाचव्या विकेटसाठी ५० धावांची महत्त्वपूर्ण भागीदारी पूर्ण करत न्यूझीलंडच्या गोलंदाजांचा प्रतिकार केला.
खेळपट्टी फलंदाजीसाठी काहीशी कठीण असली तरी, राहुलने आपला गिअर बदलला. त्याने लागोपाठ दोन चौकार मारत धावगती वाढवण्याचा प्रयत्न केला. विशेषतः लेग-साइडला मारलेला त्याचा 'स्विल्व्ह' शॉट आणि क्रॉस-बॅटेड फटक्यांनी प्रेक्षकांची मने जिंकली.
विराट कोहली बाद झाल्याने भारतीय संघ अडचणीत सापडला. यानंतर डावाची संपूर्ण जबाबदारी केएल राहुल आणि रवींद्र जडेजा या अनुभवी जोडीवर आली.
कोहलीच्या विकेटमुळे भारताला मोठा धक्का बसला आणि धावांचा वेग मंदावला. अशा परिस्थितीत आणखी पडझड रोखण्यासाठी राहुल आणि जडेजाने आक्रमक पवित्रा सोडून अत्यंत संयमी आणि सावध फलंदाजी करण्यास सुरुवात केली. न्यूझीलंडच्या गोलंदाजांनी निर्माण केलेला दबाव कमी करण्यासाठी या जोडीने एकेरी-दुहेरी धावांवर भर दिला.
भारताला चौथा झटका विराट कोहलीच्या रूपात बसला. कोहली २९ चेंडूत २३ धावा काढल्या, ज्यामध्ये दोन चौकारांचा समावेश होता. कोहलीला ख्रिस क्लार्कने बाद केले. क्लार्कने कोहलीचा महत्त्वपूर्ण बळी घेत भारताला मोठा धक्का दिला. विराट बाद होताच राजकोटच्या मैदानावर शांतता पसरली.
कोहली स्थिरावलेला दिसत असतानाच, क्लार्कने टाकलेल्या २३.३ व्या चेंडूवर 'पॉइंट'च्या दिशेने फटका मारण्याचा प्रयत्न केला. चेंडूची लाईन ऑफ-स्टंपच्या अत्यंत जवळ असल्याने तो बॅटची कडा घेऊन थेट स्टंपवर आदळला. क्लार्कच्या साध्या पण अचूक वेगासमोर (१२८.४ किमी/तास) कोहलीची खेळी संपुष्टात आली. एकेकाळी १ बाद ९९ अशा सुस्थितीत असलेल्या भारतीय संघाची अवस्था आता ४ बाद ११८ अशी झाली. यावेळी मागिल ७ ओव्हर्समध्ये एकही चौकार न आल्याने भारतावर दडपण वाढले.
श्रेयस अय्यर पॅव्हेलियनमध्ये परतला, ख्रिस क्लार्कने त्याला बाद केले. भारताला ११५ धावांवर तिसरा धक्का बसला. १७ चेंडूत आठ धावा करून श्रेयस बाद झाला.
अय्यरही माघारी परतल्याने भारतीय संघ न्यूझीलंडविरुद्धच्या सामन्यात बॅकफूटवर गेला. वेगवान गोलंदाज ख्रिस्तियन क्लार्कने भारतीय मधल्या फळीला खिंडार पाडले. डावाच्या २१.३ व्या षटकात क्लार्कने ऑफ-स्टंपच्या बाहेर टाकलेल्या १३०.२ किमी/तास वेगाच्या चेंडूवर श्रेयसने मोठा फटका मारण्याचा प्रयत्न केला. चेंडूला पुरेशी उंची न मिळाल्याने तो थेट मिड-ऑफला उभ्या असलेल्या मायकल ब्रेसवेलच्या हातात गेला. ब्रेसवेलने खाली झुकून एक सुरेख झेल टिपला.
न्यूझीलंडविरुद्ध भारताची धावसंख्या १०० पार गेली. यादरम्यान रोहित शर्मा आणि शुभमन गिलच्या रूपात भारताने दोन विकेट गमावल्या. विराट कोहली आणि श्रेयस अय्यर सध्या क्रीजवर होते.
कर्णधार शुभमन गिल अर्धशतक झळकावून बाद झाला. हा भारताला दुसरा धक्का ठरला. त्याने जेमीसनच्या गोलंदाजीवर मिशेलला सोपा झेल दिला. गिलने ५३ चेंडूत नऊ चौकार आणि एका षटकारासह ५६ धावा काढल्या.
चांगल्या लयीत खेळत असलेल्या शुभमन गिलला बाद करून न्यूझीलंडच्या काईल जेमीसनने भारताला मोठा धक्का दिला आहे. आक्रमक खेळणाऱ्या गिलला अर्धशतकानंतर आपली खेळी मोठी करता आली नाही.
डावाच्या १६.५ व्या षटकात जेमीसनने १२७.८ किमी/तास वेगाचा एक उसळता चेंडू टाकला. गिलने फ्रंट फूटवरून 'पुल'चा फटका मारण्याचा प्रयत्न केला, मात्र चेंडूवर त्याचे नियंत्रण सुटले. मिड-विकेटला उभ्या असलेल्या मिचेलने एक सोपा झेल पकडून गिलची खेळी संपुष्टात आणली.
गिल बाद झाल्यामुळे भारताची ९९ धावांवर दुसरी विकेट पडली. एका बाजूने वेगाने धावा होत असतानाच या विकेटमुळे न्यूझीलंडला सामन्यात पुनरागमन करण्याची संधी मिळाली आहे.
भारताला रोहित शर्माच्या रूपाने पहिला धक्का बसला. रोहित चांगली फलंदाजी करत होता आणि त्याने गिलसोबत अर्धशतकी भागीदारीही केली होती. तथापि, ख्रिस क्लार्कच्या गोलंदाजीवर मोठा शॉट खेळण्याच्या प्रयत्नात त्याने आपली विकेट गमावली. रोहित ३८ चेंडूत २४ धावा करून बाद झाला, ज्यामध्ये चार चौकारांचा समावेश होता. रोहित आणि गिलने ७० धावांची सलामी दिली.
चांगल्या सुरुवातीनंतर कर्णधार रोहित शर्मा मोठी खेळी करण्यात अपयशी ठरला. न्यूझीलंडच्या ख्रिस क्लार्कने रोहितला बाद करून भारताची सलामीची भागीदारी तोडली.
डावाच्या १२.२ व्या षटकात ख्रिस क्लार्कने 'क्रॉस-सीम' चेंडू टाकला. रोहितने क्रीजच्या बाहेर येत जागा बनवून मिड-ऑफच्या वरून फटका मारण्याचा प्रयत्न केला. मात्र, चेंडू बॅटवर नीट न आल्याने तो हवेत उडाला आणि स्वीपर कव्हरला असलेल्या विल यंगने एक सोपा झेल टिपला.
रोहित आणि गिलची उत्कृष्ट भागीदारी सुरूच राहिली आणि भारताची धावसंख्या ६० च्या पुढे नेली. भारताने सुरुवात संथ केली असली, तरी रोहित आणि गिलने जबाबदारी घेतली आणि न्यूझीलंडच्या गोलंदाजांवर दबाव आणला.
रोहित शर्मा आणि शुभमन गिल यांनी सुरुवात मंदावल्यानंतर गियर बदलले आणि काही चांगले शॉट्स खेळले. यासह भारताची धावसंख्या ५० च्या जवळ पोहचली. दरम्यान, न्यूझीलंडचे गोलंदाज विकेट घेण्यासाठी जोरदार प्रयत्न करत होते.
दुसऱ्या एकदिवसीय सामन्यात प्रथम फलंदाजी करणाऱ्या भारताची सुरुवात संथ झाली. पाच षटकांनंतर भारताने बिनबाद १० धावा केल्या होत्या. यावेळी रोहित शर्मा आणि शुभमन गिल क्रीजवर होते.
न्यूझीलंडविरुद्ध भारताची फलंदाजी सुरू झाली आहे. भारताकडून डावाची सुरुवात करण्यासाठी शुभमन गिल रोहित शर्मासोबत आला.
भारत : शुभमन गिल (कर्णधार), रोहित शर्मा, विराट कोहली, श्रेयस अय्यर, केएल राहुल (यष्टीरक्षक), रवींद्र जडेजा, नितीश कुमार रेड्डी, हर्षित राणा, कुलदीप यादव, मोहम्मद सिराज, प्रसिद्ध कृष्णा.
न्यूझीलंड : डेव्हॉन कॉनवे, हेन्री निकोल्स, विल यंग, डॅरिल मिचेल, ग्लेन फिलिप्स, मिचेल हे (यष्टीरक्षक), मायकेल ब्रेसवेल (कर्णधार), जॅकी फोक्स, ख्रिश्चन क्लार्क, काइल जेमिसन, जेडेन लेनोक्स.
न्यूझीलंडचा कर्णधार मायकेल ब्रेसवेलने टॉस जिंकून प्रथम गोलंदाजी करण्याचा निर्णय घेतला. ब्रेसवेलने सांगितले की त्याच्या प्लेइंग इलेव्हनमध्ये एक बदल करण्यात आला आहे. जेडेन लेनोक्सचे पदार्पण झाले आहे. दरम्यान, भारतीय कर्णधार शुभमन गिलनेही प्लेइंग इलेव्हनमध्ये बदल केला. वॉशिंग्टन सुंदर आधीच मालिकेतून बाहेर पडला आहे, त्यामुळे त्याच्या जागी नितीश रेड्डीला स्थान देण्यात आले. राजकोटमधील गेल्या १० लिस्ट ए सामन्यांमध्ये, प्रथम फलंदाजी करणाऱ्या संघाने पाच आणि पाठलाग करणाऱ्या संघाने पाच सामन्यांमध्ये विजय मिळवला आहे. येथे पहिल्या डावात सरासरी धावसंख्या ३००+ आहे.
