भारत आणि बांगलादेश यांच्यातील महिला विश्वचषकातील २८ वा सामना आज रविवारी (दि. २६) डॉ. डीवाय पाटील स्पोर्ट्स अकादमी येथे खेळला जात आहे. भारतीय संघाची कर्णधार हरमनप्रीत कौरने टॉस जिंकून प्रथम गोलंदाजी करण्याचा निर्णय घेतला. भारताने तीन बदल केले आहेत. रिचा घोष, क्रांती गौड आणि स्नेह राणा यांच्याऐवजी उमा छेत्री, राधा यादव आणि अमनजोत कौर यांचा संघात समावेश करण्यात आला आहे. उमा पदार्पण करत आहे. पावसामुळे टॉस ३५ मिनिटे उशिरा झाला. भारतीय संघाने आधीच उपांत्य फेरीत स्थान निश्चित केले आहे, जिथे त्यांचा सामना ऑस्ट्रेलियाशी होईल. दुसरीकडे, बांगलादेश संघ आतापर्यंत स्पर्धेत फक्त एकच सामना जिंकू शकला आहे.
