पुढारी ऑनलाईन डेस्क : मेलबर्नमध्ये भारत आणि ऑस्ट्रेलिया यांच्यात बॉक्सिंग डे कसोटी खेळली जात आहे. उभय संघांमधील पाच कसोटी सामन्यांच्या मालिकेतील ही चौथी कसोटी आहे. सध्या मालिका 1-1 अशी बरोबरीत आहे. जागतिक कसोटी अजिंक्यपद स्पर्धेच्या अंतिम फेरीत पोहोचण्यासाठी पुढील दोन कसोटी महत्त्वाच्या आहेत. ऑस्ट्रेलियाने नाणेफेक जिंकून प्रथम फलंदाजी करण्याचा निर्णय घेतला. शुक्रवारी दुसऱ्या दिवशी ऑस्ट्रेलियाने पहिल्या डावात 474 धावा केल्या होत्या. प्रत्युत्तरात तिसऱ्या दिवसाचा खेळ संपेपर्यंत भारताने पहिल्या डावात नऊ गडी गमावून 358 धावा केल्या आहेत.
चौथ्या कसोटीतील तिसऱ्या दिवसाचा खेळ संपला आहे. खेळ संपेपर्यंत भारताने पहिल्या डावात 9 गडी गमावून 358 धावा केल्या आहेत. ऑस्ट्रेलियाने पहिल्या डावात 474 धावा केल्या होत्या. या बाबतीत भारत अजूनही 116 धावांनी मागे आहे. नितीश रेड्डी यांने उत्कृष्ट शतक झळकावले. तो सध्या 105 धावांवर नाबाद आहे. आतापर्यंत 176 चेंडूंच्या खेळीत त्याने 10 चौकार आणि 1 षटकार मारला आहे. मोहम्मद सिराजही दोन धावा केल्यानंतर नाबाद आहे.
नवव्या क्रमांकावर फलंदाजीला आलेल्या वॉशिंग्टन सुंदरसोबत नितीशने आठव्या विकेटसाठी 127 धावांची भागीदारी केली. सुंदर आणि नितीश दोघांनी 150-150 चेंडू खेळले. कसोटी क्रिकेटमध्ये प्रथमच एका संघातील आठव्या आणि नऊ क्रमांकाच्या फलंदाजांनी 150+ चेंडू खेळले आहेत. दोघांनी मिळून 285 चेंडू खेळले, म्हणजे सुमारे 48 षटके फलंदाजी केली. सुंदर 162 चेंडूत एका चौकाराच्या मदतीने 50 धावा करून बाद झाला.
18 वर्ष 256 दिवस- सचिन तेंडुलकर, सिडनी 1992
21 वर्ष 92 दिवस- ऋषभ पंत, सिडनी 2019
21 वर्ष 216 दिवस- नितीश रेड्डी, मेलबर्न 2024
22 वर्ष 46 दिवस- दत्तू फडकर, ॲडलेड 1948
तत्पूर्वी, यशस्वी जैस्वाल 82 धावा केल्यानंतर, रोहित शर्मा तीन धावा केल्यानंतर, केएल राहुल 24 धावा केल्यानंतर, विराट कोहली 36 धावा केल्यानंतर, ऋषभ पंत 28 धावा केल्यानंतर आणि रवींद्र जडेजा 17 धावा करून बाद झाले. जसप्रीत बुमराह आणि आकाश दीप खातेही उघडू शकले नाहीत. भारताने शनिवारी पाच विकेट्सवर 164 धावांवर खेळण्यास सुरुवात केली आणि 194 धावांची भर घातली. या काळात भारताने आणखी चार विकेट गमावल्या. पंत, जडेजा, बुमराह आणि सुंदर शनिवारी बाहेर पडले.
नितीश रेड्डीने मेलबर्न येथे सुरू असलेल्या बॉक्सिंग डे कसोटीत शतक झळकावले आहे. त्याने 171 चेंडूत बोलंडवर चौकार मारून शतक झळकावले. त्याचे आंतरराष्ट्रीय कारकिर्दीतील हे पहिले शतक आहे. त्याने कसोटीत प्रथमच पन्नासहून अधिक धावा केल्या आणि त्या डावाचे शतकात रूपांतर केले. यासह नितीश ऑस्ट्रेलियात कसोटीत शतक ठोकणारा तिसरा सर्वात तरुण भारतीय ठरला आहे. त्याच्या पुढे फक्त सचिन तेंडुलकर आणि ऋषभ पंत आहेत. नितीशसाठी हे शतकही खास आहे कारण त्याचे वडील मुत्यला रेड्डी प्रेक्षक गॅलरीत उपस्थित राहून हा सामना पाहत आहेत. वडिलांसमोर शतक झळकावल्यानंतर नितीशही भावूक झाला.
वॉशिंग्टन सुंदरने कसोटी कारकिर्दीतील चौथे अर्धशतक झळकावले. भारताने सात गडी गमावून 345 धावा केल्या आहेत. त्याने नितीश रेड्डीसोबत 124 धावांची भागीदारी केली आहे. भारत अजूनही ऑस्ट्रेलियापेक्षा 129 धावांनी मागे आहे. नितीश शतकाच्या जवळ आहे. तो 94 धावा करून क्रीजवर आहे.
